Burela 4-8-16. O CD Burela FS Pescados Rubén comezará a pretempada feminina o vindeiro luns, 8 de agosto (19.30 horas), con Iván Cao ‘Lucas’ e Julio Delgado á fronte. O presidente da entidade, Manuel Blanco, e o directivo Auditor Rodríguez, recibiron os técnicos na sede laranxa para selar a súa continuidade e abordar algúns aspectos da volta ao traballo.
“Serán catro semanas de traballo, coa quinta na que comeza a liga. Da Supercopa –que se disputará antes- aínda non recibimos información e despois intentaremos chegar nas mellores condicións a un comezo de liga moi complicado para competir contra eses tres grandes equipos que tocan nas primeiras xornadas” adiantaba Lucas, totalmente centrado en “traballar un cadro que manteña a ilusión do ano pasado, unha ilusión que conseguimos transmitirlle á afección e que nola devolveu con creces e intentar competir o máximo posible” como explicaba Julio Delgado, compartindo responsabilidades no apartado técnico e incidindo na relevancia desta preparación inicial porque se aveciña “unha tempada que se nos vai facer longa, con varios paróns”.
Despois de tempada e media cóbado con cóbado, o focego e o salmantino teñen un novo reto por diante. “Levamos ano e medio traballando xuntos e a experiencia é marabillosa. O labor entre os dous, como marcou o tempo, estanos facendo máis grandes. Creo que o traballo e a ilusión son as nosas mellores armas” confesaba Julio, coincidindo con Lucas: “Tivemos grandes cambios, con grandes xogadoras que se foron e que o equipo vai notar, pero mantemos outras que tamén foron moi importantes e que terán que selo aínda máis este ano; tamén disporemos de xogadoras novas que esta tempada terán que dar un paso adiante para axudar ao equipo” explicaba Lucas, ademais de facer referencia a posibles fichaxes nas que está traballando o club, para seguir competindo. “Os obxectivos serán a longo prazo. Con traballo e ilusión todo é posible. Imos traballar con moita ilusión e os resultados irannos dicindo. Con tempo o equipo será forte e poderemos pelexar contra calquera” así falaba o mariñán do potencial deste novo proxecto que encamiña 2016-17.
Ambos os adestradores, que coñeceron o fútbol sala feminino de primeira man ao asumir as rendas do equipo burelista, apostan por unha tempada de traballo gratificante e un vestiario unido para seguir crecendo: “Sénteste orgulloso do traballo e dos resultados, pero á parte dos éxitos deportivos a relación persoal é o que queda. É un labor difícil pero tamén moi enriquecedor. Espero seguir con esta experiencia, para seguir medrando como profesional e como persoa” puntualizaba Julio Delgado.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
