Ferreira, 13 de agosto de 2016.- Ferreira do Valadouro mostra o seu pasado a través dunha exposición fotográfica na que teñen cabida imaxes dos lugares máis emblemáticos da vila e algúns personaxes que marcaron a vida da localidade nun pasado próximo.
A exposición fotográfica será oficialmente inaugurada o domingo 14 de agosto, ás 20.00 horas, na praza de Santa María, pero as fotografías que a compoñen quedarán colgadas nos seus emprazamentos ao longo da fin de semana que comeza.
Esta exposición, composta por doce fotografías datadas entre 1895 e 1966, ten un valor diferencial respecto doutras exposicións similares ao tratarse de imaxes de gran tamaño (1,90 metros de ancho e arredor de 1,20 metros de alto cada fotografía) e estar emprazadas no lugar dende o que foron tomadas as fotografías ou no sitio en que se atopa ou atopaba o lugar fotografado. Desta maneira, permiten contemplar nunha soa ollada o presente e o pasado da vila.
A exposición conta con seis fotografías protagonizadas por diversos lugares da vila: tres mostran a praza de Ferreira tal como era a finais do século XIX e comezos do século XX, incluíndo a capela derrubada en 1931, e os xa inexistentes pendellos do mercado, así como unha casa de grandes dimensións que existiu na praza de Ferreira, dotada cunha descomunal cheminea e pombeiro. Outras dúas fotografías mostran a Ponte, con puntos de vista xeográficamente opostos (mirando cara o cento da vila e cara a periferia), e permiten contemplar os grandes cambios que sufriu a zona co pasar dos anos. Finalmente, unha fotografía, tomada dende a zona da Veiga, amosa o perfil clásico de Ferreira coa peculiaridade de que foi tomada cando a igrexa estaba en plena construción.
As outras seis fotos xiran arredor de lugares da vila e as personaxes nelas presentes. Catro recollen imaxes das tabernas e ultramarinos máis emblemáticos do século XX, como son a de Ramón Blanco, a Barra, o Mogo e Os Lobos. Otra destas fotografías inclúe aios doce membros da Banda dos Pisós, unha das máis populares bandas de música do Valadouro na década de 1920 e, finalmente, unha imaxe corresponde a un autobús da marca francesa De Dion Bouton, na que pousan para o fotógrafo o propietario, a súa familia e os clientes preparados para iniciar a viaxe.
A exposición foi organizada pola Asociación para a Promoción e Desenrolo da Comarca do Ouro (Aprodeco) e o Seminario de Estudos de Alfoz-Valadouro (SEVA) contando coa colaboración de membros do grupo de Facebook “Eres de Ferreira do Valadouro si…” que, con preto de 900 integrantes, publica, comenta e documenta fotografías antigas non so da vila de Ferreira senón de todas as parroquias que compoñen o territorio xeográfico do Valadouro (Concellos de Alfoz e Valadouro, así como as parroquias de Santo Acisco do Valadouro, Santa Cilla do Valadouro e Oirán). Simultaneamente coa exposición ponse en servizo unha web na que se recollen, con outro formato as principais fotografías publicadas no grupo de Facebook e a información recollida a través do mesmo. A URL da web é http://valadourofoto.wordpress.com.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
