Nastasia Zürcher pechaba os Concertos ao Solpor do Eido Dourado

Coa actuación de Nastasia Zürcher remataron os Concertos ao Solpor, que por oitavo ano consecutivo organizou o artista barreirense Celso Dourado nos xardíns do Eido Dourado, a carón da praia da Pasada, en Barreiros. Nastasia Zürcher deleitou aos presentes coa súa voz, que a fixo ser a última gañadora dos premios Martín Códax de Música na categoría de blues, funky e soul. Polo Eido Dourado pasaron ao longo deste verán Barahúnda; Isaías Salazar, Miguel Flores e Sandra Calderón cun espectáculo de flamenco; Arifi, Aramat e Nastasia Zücher. O promotor dos Concertos ao Solpor amósase satisfeito coa acollida que tiveron estes espectáculos ao longo deste verán de 2016.