Burela, 7 de setembro de 2016. A Concellería de Servizos Sociais pídelle á Xunta que explote directamente o servizo de comedor da Escola Infantil de Burela. Patricia Otero denuncia que só hai traballando na cociña unha persoa a tempo parcial e que a instalación é de reducidas dimensións. A edil considera que o servizo non se está a prestar de xeito adecuado.
O pasado luns, os concelleiros de Servizos Sociais e de Educación,Patricia Otero e José Díaz, acompañaron á secretaria territorial da Xunta en Lugo, Marta Barreiro, na xornada de portas abertas á Escola Infantil de Burela, no inicio do novo curso escolar.
Patricia Otero explicou que “neste percorrido, acompañados pola directora do centro, visitamos as instalacións da Escola Infantil de Burela, xestionada polo Consorcio Galego de Servizos de Igualdade e Benestar, dependente da Consellería de Política Social da Xunta de Galicia”.
A edil socialista dixo que “durante o percorrido polo centro chamounos poderosamente a atención, que para prestar o servizo de comedor ós/ás nenos/as só exista unha cociña de reducidas dimensións, con electrodomésticos e cunha única cociñeira contratada a xornada parcial. Hai que ter en conta que este servizo de comedor préstase a través dunha empresa privada, contratada polo Consorcio Galego de Servizos de Igualdade e Benestar”.
Otero engadiu que “tendo en conta que no pasado curso escolar 83 nenos/as empregaron o comedor, entendo que o servizo, con medios tan escasos tanto materiais como persoais, non está a ser prestado do xeito que requiriría un servizo tan esencial para os nosos pequenos/as”.
A concelleira de Educación considera que “este servizo de comedor non debería de estar subcontratado ou en mans dunha empresa privada, e que debería de ser prestado directamente pola administración autonómica. Se fora de xestión directa, o propio Consorcio e a Consellería de Política Social podería levar un mellor control sobre a xestión do servizo de cociña, mellorando as instalacións e ampliando o persoal adscrito ao mesmo. Por elo, pídolle á Consellería de Política Social que se replantee a posibilidade de xestionala directamente, e subsidiariamente. No suposto de que siga sendo de xestión privada, que a administración autonómica á hora de redactalos pregos para a súa licitación e posterior adxudicación, sexa máis esixente e teña en conta estas carencias denunciadas e detectadas no servizo de comedor da Escola Infantil de Burela”.
Patricia Otero indicou que “a falta de coñecer o número de nenos/as que comerán na Escola Infantil neste curso 2016-2017, e en base os 83 usuarios do anterior curso escolar, creo que o servizo de cociña está carente dos medios materias e persoais necesarios para levalo a cabo dun xeito adecuado e para dar un servizo de calidade os/as nosos/as pequenos/as. Dende a Concellería de Servizos Socias solicítaselle ao Consorcio Galego de Servizos Sociais e Igualdade da Xunta de Galicia, que subsane estas deficiencias”.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
