Lugo, 8 de setembro de 2016.- O Partido Popular de Lugo reuniu este xoves na sede provincial do partido a un cento de mulleres nun encontro no que abordaron o programa do PP sobre a igualdade real e efectiva así como sobre a loita contra a violencia de xénero.
No foro sobre igualdade, participaron, ademais da presidenta provincial, Elena Candia, a coordinadora sectorial de Política Social no Comité Executivo Provincial do PPdeLugo, María José Freire e a que foi secretaria xeral de Igualdade e actual candidata, Susana López Abella.
A presidenta dos populares lucenses trasladou o convencemento “firme” e “claro” de que un dos eixes prioritarios para o PP é o de traballar na consecución da igualdade real e efectiva entre homes e mulleres. “Con ese propósito traballou o Goberno galego ao longo destes anos e así o demostran os avances neste senso e seguiremos nesa liña para situar a provincia e a Galicia na vangarda das políticas de igualdade”. Ademais, Candia referiu tamén ao compromiso de continuar na loita para acadar unha sociedade libre de calquera forma de violencia contra a muller.
En que avanzamos?
Pola súa banda, a secretaria xeral de Igualdade e actual candidata, Susana López Abella, avogou por continuar coa unidade de todas as forzas políticas, para potenciar ao máximo o traballo conxunto para erradicar calquera forma de violencia contra a muller.
A candidata explicou os avances logrados ao longo destes anos entre os que citou, na área da loita contra a violencia de xénero, entre outros, a implantación de iniciativas para mellorar a atención de proximidade ás mulleres e o mantemento e diversificación de axudas económicas para as vítimas, destacando a atención posta na mocidade de cara á prevención mediante campañas innovadoras. En materia de Igualdade, a popular tamén enumerou entre as medidas adoptadas polo Goberno de Feijóo a execución do VI Plan de Igualdade, xunto a outras actuacións como son o fomento do emprendemento feminino ou o impulso da conciliación e a corresponsabilidade.
O noso compromiso
Durante o encontro, fíxose fincapé nas propostas en materia de igualdade que recolle o programa electoral dos populares. Entre elas atópanse iniciativas moi concretas como son a implantación do I Plan de Igualdade no ámbito educativo, transmitindo ao alumnado os valores da igualdade; a aprobación de dous decretos, un que regulará por primeira vez a formación para todo o persoal da Administración autonómica en materia de igualdade, e outro de regulación dos Centros de Información da Muller; e a dotación do VII Plan Estratéxico de Igualdade de Galicia, unha ruta ambiciosa e actualizada para o desenvolvemento das políticas de igualdade.
O compromiso dos populares tamén inclúe seguir formando ás persoas implicadas na loita contra a violencia de xénero; continuar a achegarse e seguir estudando a violencia de xénero para atacala das formas máis efectivas e consolidar a atención integral e específica das mulleres vítimas da trata con fins de explotación sexual.
Dentro das actividades da Concentración de Club de Morgan España, que se está a realizar estes días, tivo lugar unha visita a Mondoñedo que incluíu unha recepción por parte das autoridades municipais. Na mesma, que tivo lugar na Praza da Catedral de Mondoñedo, ao carón destes vehículos históricos, o Alcalde, Manuel Ángel Otero e a Concelleira de Turismo, Patricia Otero Doural, conversaron cos participantes e agasallaron a estes cunha bolsa con materiais sobre Mondoñedo. Tras esta breve conversa, procedeuse a realizar unha visita pola zona histórica da cidade episcopal.
Sami Ashour, natural da localidade de Khan Younis, no sur da Faixa de Gaza, onde reside a maioría da súa familia, é o presidente da Asociación galaico-árabe Jenin, que agrupa a comunidade palestina residente na Galiza. A palestra Sami Ashour pretende achegar un testemuño de primeira man sobre o xenocidio israelí en Gaza e ofrecer unha análise sobre as condicións de vida poboación gazatí.
Este xoves desde o Concello de Cervo achegaron ao alumnado dos dous colexios de infantil e primaria da localidade unha didáctica sesión teatral sobre a importancia de reciclar. O alumnado pasouno en grande "xogando a reciclar" da man de Fanny Medioambiente.
Foille notificada polo Tribunal Superior de Xustiza de Galicia. O cervense, que declarouse "absolutamente inocente", anunciou a súa decisión ao Presidente Rueda. A denunciante sería unha popular presentadora de TV ferrolá.
1º. Banco de Loiba. De Diego Pérez Dopico. 56 puntos. 2º Bolboretas: sementadoras de vida. De Germán Paleo Navarro. 47 puntos. TOP CERVO Ruínas. De Consuelo Fra Fernández. 36 puntos. En total participaron 26 instantáneas. Desde o Concello agradecen a participación neste certame consolidado que é tamén unha chamada á reflexión, por captar e compartir a súa ollada neses momentos que reflicten o respecto, a beleza e tamén os retos que afronta a noso medio ambiente; ao tempo que nos permiten coñecer o seu traballo a través da súa óptica, e tamén descubrir lugares e situacións únicas, como sempre fan edición tras edición nesta iniciativa que “naceu para poñer en valor a nosa contorna natural e fomentar unha conciencia máis respectuosa co medio".
Farao tras recibir a autorización concedida pola consellería de educación.
O programa dará comezo o 1 de xullo e ramatará o 29 de agosto en horario de 10:00 a 14:00 h. Levarase a cabo a través dun proxecto de voluntariado xuvenil, que nesta edición conta con cinco persoas voluntarias do Concello.
