O Goberno local de Mondoñedo acusa a Esperanza González de “non enterarse de nada” cando o Concello ten unha brigada antiincendios e unha de medio ambiente

Mondoñedo, 8 de setembro de 2016.- O Goberno local de Mondoñedo acusa á asesora de Campos “de non enterarse de nada e facer oposición de fin de semana”, posto que o Concello ten dúas brigadas, unha contra incendios e unha medioambiental. “Pretende xustificar o seu soldo de asesora na Deputación de Lugo poñendo o ventilador contra o seu Concello pero sen dar un só dato certo”, engaden.

Os populares pregúntalle a Esperanza Martín cando se vai preocupar por explicar as facturas que deixou sen pagar no caixón mentres estivo de concelleira. Así, desde o equipo de Goberno precísanlle á socialista que o Concello conta coas brigadas antiincendios precisas, un plan de desbroces e un servizo ben atendido. “Se estivera máis en Mondoñedo e menos de paseo cos seus colegas socialistas podería saber algo máis da súa cidade”, engaden.

Os populares explican ademais que estas medidas foron posibles ao facer un plan de gasto equilibrado e a pesar de ter que pagar as facturas e as multas que a asesora deixou pendentes.

“Estaría ben que, ademais de cobrar da Deputación como asesora (máis de 30.000 euros ao ano) cando o único que fai é carga contra o seu Concello e crear unha alarma social inexistente se documentara para saber do que fala”, conclúen.