Sábado 10 de setembro de 2016.- O cabeza de lista pola provincia de Lugo, Francisco Conde, acompañado da presidenta dos populares lucenses, Elena Candia e do portavoz do Grupo Popular no Senado, Xosé Manuel Barreiro, ademais doutros membros da candidatura lucense, participaron onte nun almorzo informativo con integrantes da Asociación de Jóvenes Empresarios de Lugo (AJE-Lugo), capitaneados por Juan Manuel López Labrada.
No marco deste foro empresarial Francisco Conde confirmou que o colectivo de emprendedores e autónomos seguirá a ser destinatario dos apoios preferentes da Xunta, de manter o PP a responsabilidade de goberno, e perfilou as propostas programáticas nesta ámbito indicando que o principal obxectivo é focalizar futuros apoios en catro ámbitos específicos: en alixerar as cargas sociais e burocráticas, en manter e ampliar os incentivos á contratación, no fomento da formación e do relevo xeracional, e en poñer en marchas medidas para apostar pola innovación e, nomeadamente, pola integración nas empresas de novas tecnoloxías.
LIDERADO NO APOIO AOS AUTÓNOMOS
“Galicia foi a comunidade autónoma española que destina máis fondos en apoio dos autónomos e seguiremos avanzando neste obxectivo”-indicou Conde tras lembrar que, desde que o PPdeG accedeu á responsabilidade de Goberno autonómico, no ano 2009, 31.000 autónomos beneficiáronse das axudas da Xunta, con achegas que superan o 230 millóns.
Como aspecto concreto para os emprendedores máis novos, Conde lembrou que se seguirá subvencionando durante un ano a afiliación á Seguridade Social dos menores de 30 anos que se establezan como autónomos e esténdese ao segundo e terceiro traballador as axudas para a contratación indefinida
GALICIA SEGUE CRECENDO
Conde explicou tamén que o Goberno galego vén de aprobar unha actualización do cadro macroeconómico, que prevé que o crecemento de Galicia en 2016 elevarase ata o 3%. As previsións para o próximo ano 2017 apuntan a que o crecemento se consolidará.
Esta evolución da economía tamén permite actualizar as previsións sobre o emprego, que contemplan que Galicia acabe o ano cunha taxa de desemprego do 17,4%, un punto menos do previsto, mentres que en 2017 seguirá baixando ata o 15,6%. Nos dous anos Galicia seguirá tendo unha taxa de paro menor que a media de España.
CANDIA: O FUTURO DEPENDE DE VÓS
Pola súa banda, Elena Candia, presidenta provincial dos populares lucenses comezou dicindo que “o futuro depende de vós” destacando, deste xeito, o importantísimo papel que xogan os novos empresarios no ámbito social, económico e laboral da provincia, para rematar indicando que a mellor estratexia para que Galicia siga a ser un lugar atractivo para investir é “garantir a estabilidade e un goberno que xere confianza, como o que lidera Alberto Núñez Feijóo”.
“Durante estes quince días de campaña, vamos a pedirlles aos galegos, unir forzas nun proxecto común, o que lidera Alberto Núñez Feijóo, porque merece a pena que Galicia sexa unha excepción, que en Galicia teñamos un goberno cunha renovada maioría”- dixxo Elena Candia
SUSPENDIDA A CAMPAÑA
Logo da celebración deste almorzo e tras coñecerse as primeiras informacións sobre o desenlace do tráxico accidente ferroviario en O Porriño (Pontevedra) os populares deron por suspendidos todos os actos de campaña en sinal de dor, solidariedade e respecto polos falecidos e feridos en tan tráxico acontecemento.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
