A Mariña, 17 de setembro de 2016.- O presidente do Goberno de España e do Partido Popular, Mariano Rajoy participará o mércores 21 de setembro en varios actos da campaña electoral galega, en particular, os organizados na Mariña lucense onde visitará Mondoñedo e Foz e dará un mitin en San Cibrao (Cervo).
A primeira das citas será na Cidade Episcopal, Mondoñedo, onde ten previsto realizar un paseo e reparto electoral polas principais rúas a partir das 13,15 horas, con inicio na praza do Concello. Alí será recibido, entre outros, pola alcaldesa e presidenta provincial, Elena Candia, polo candidato José Manuel Balseiro e polo portavoz do Grupo Popular no Senado, Xosé Manuel Barreiro.
A seguinte cita, xa pola tarde, será en Foz onde a partir das 18.00 horas participará noutro paseo e reparto electoral con saída desde o porto. Nesta ocasión acompañado tamén do alcalde da localidade, Javier Castiñeira, e os candidatos, entre eles e concelleira Maite López
Xa para rematar, o presidente nacional do PP e do Executivo español en funcións ofrecerá un mitin no Auditorio da Casa da Cultura de San Ciprián. A cita será ás 19.30 horas e contará coas intervencións do alcalde de Cervo, Alfonso Villares, do candidato ao Parlamento galego e coordinador comarcal, José Manuel Balseiro e da presidenta provincial Elena Candia.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
