O Vicepresidente, Álvaro Santos Ramos, acompañado de máis de 50 membros da Asociación de Axuda ao Enfermo Mental na Mariña, presentou AGARIMO, unha revista elaborada polas persoas que integran esta asociación, en colaboración coa Deputación, co gallo do Día Mundial da Saúde Mental, que se conmemora este luns, 10 de outubro.
O Presidente, Darío Campos Conde, recibiu tamén aos mozos e mozas do colectivo e destacou a “enorme labor que realizan para dar visibilidade a este tipo de doenzas mentais”.
No acto tamén participaron a Presidenta da Asociación de Axuda ao Enfermo Mental “A Mariña”, María Iris Castro Meitín; e a Directora Técnica Xeral, María José Novoa Rodríguez; así como un representante do CRPL de Burela, Jorge Machado Rivero; un do CRPL de Ribadeo; Miguel Villarino Mencía, e unha da Unidade Residencial de Cervo, Rebeca Rodríguez Rivas.
Santos Ramos subliñou que “hoxe conmemoramos o Día Mundial da Saúde Mental, unha doenza que cando aparece, cambia por completo a vida das persoas que a sofren, mais tamén de todos os seus seres queridos; así como para presentar unha nova edición da revista AGARIMO, unha publicación chea de agarimo e ilusión”.
O Vicepresidente apostou por “centrar os nosos esforzos en todo o que nos une, que é moito, e non nas pequenas diferenzas que particularmente teña cadaquén, pois se non apartamos estes matices, non poderemos medar en colectivo”.
Neste senso, o Vicepresidente destacou que en España, calcúlase que ao redor do 3% da poboación, é dicir, preto dun millón de persoas, teñen algún problema de saúde mental, como esquizofrenia ou trastornos bipolares; e que hai cerca de 9 millóns de persoas que, potencialmente, poden sufrir unha estas doenzas.
Unha Deputación social
A Deputación colabora activamente cos colectivos sociais da provincia, pese a non ter as competencias lexislativas directas sobre este tema. Así, o organismo provincial achega 16.000 euros, para o servizo de Intermediación laboral, co que se financia contratación dun técnico de emprego. Grazas a este servizo, no ano 2015, producíronse un total de 57 insercións laborais, e a contratación de 34 persoas.
Ademais, a través da TIC da Deputación que ten realizado numerosos traballos audiovisuais para apoiar as iniciativas deste colectivo, sempre dirixidas a mellorar a calidade de vida e a integración sociolaboral das persoas con enfermidade mental. O Vicepresidente informou tamén que a fachada do Pazo de San Marcos tinguirase esta noite de cor laranxa, a cor que representa as enfermidades mentais.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
