A Mariña, 11 de novembro de 2016.- O PP da Mariña reuniu este martes a súa executiva comarcal para, entre outros asuntos, valorar os últimos resultados electorais tras o 25S.
A reunión estivo presidida pola líder provincial, Elena Candia e polo coordinador comarcal e deputado autonómico, Jose Manuel Balseiro que, cómpre lembrar, foi escollido co voto directo dos militantes no último congreso que esta formación política celebrou na Mariña o pasado mes de maio.
VENCERON EN TODA A MARIÑA
Os populares sinalaron que os resultados acadados na comarca nos últimos comicios galegos superaron con creces as expectativas marcadas e comprometéronse a redobrar esforzos e o seu compromiso cos veciños da Mariña que, ocasión tras ocasión, brindan un apoio maioritario aos populares.
De feito, o PP volveu a ser a opción vencedora en todos os concellos da comarca, obtendo máis da metade dos votos e incrementando en máis de 4 puntos o seu respaldo electoral. Os populares acadaron na Mariña –incluso- 1.300 votos máis que as forzas da oposición sumadas.
FORTALEZA DO PROXECTO POPULAR
Balseiro puxo en valor que a fortaleza do proxecto popular na Mariña mídese ademais nun dato: que o resultado está case tres puntos por riba da media que o PP obtivo no conxunto da provincia de Lugo e oito puntos máis que a media autonómica.
O coordinador comarcal explicou tamén que o PP obtivo uns resultados moi superiores ás últimas eleccións xerais e municipais o que lles sirve de incentivo para intentar consolidar este respaldo que suporía obter maiorías absolutas en todos os concellos onde hoxe non gobernan.
RETO: CONSOLIDAR O APOIO NAS MUNICIPAIS
A executiva comarcal marcouse como reto de futuro consolidar este apoio, entorno aos 20.000 votos, para o que analizaran concello por concello a estratexia a seguir pensando en futuras citas coas urnas, en especial, as municipais.
A MARIÑA PRESENTE NA AXENDA DAS INSTITUCIÓNS
O coordinador dos populares da Mariña tamén explicou que a Executiva, xunto coas distintas agrupacións locais, alcaldes e portavoces, traballan en distintas iniciativas que a nivel comarcal ou local poidan ir impulsando ante as distintas administracións e que irán dando a coñecer progresivamente.
Balseiro marcouse como obxectivo, tal e como aconteceu na pasada lexislatura, que A Mariña estea sempre presente na axenda das distintas institucións e gobernos: do Parlamento de Galicia, da Xunta e noutros espazos como as Cortes Xerais e a Deputación de Lugo.
López Campos salientou o apoio da Xunta a esta cita pola súa relevancia cultural e polo seu papel na dinamización do rural, así como pola forte implicación veciñal que a sostén. Durante o acto, entregou un dos premios do concurso escolar de relato e debuxo, integrado nun programa que combina artesanía, produtos de calidade, obradoiros e música. Pola súa banda, Iria Castro percorreu os postos das filloeiras, que ofreceron centos de racións deste doce tradicional aos numerosos visitantes. A deputada tamén visitou o punto de degustación de xamón de porco celta do programa Un gusto de rural, un rural degusto e o posto de divulgación Lambiscadas Científicas, dúas propostas impulsadas coa colaboración da Vicepresidencia da Deputación e integradas na programación da feira.
Carlos López destacou que a Deputación colabora con esta cita –a través dunha achega de 3.000€- porque é unha das celebracións gastronómicas máis coñecidas do norte de Galicia, capaz de poñer en valor a tradición culinaria e a riqueza natural do entorno. Durante toda a mañá tiveron lugar na contorna da Praza dos Fornos os concursos de lance e mosca, unha exhibición de pesca, a pesada e as clasificacións. Xa pola tarde, tras a entrega dos trofeos, tivo lugar a verbena a cargo de Suavecito e Pedro Bermdez.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A presentación correrá a cargo de Marisa Barreiro, presidenta do IESCHA. O acto terá lugar o venres 8 de maio de 2026, ás 20:00 horas, na Casa da Cultura de Vilalba.
A primeira sesión, de 11:00 a 12:30 h, contará cun autor asturiano destacado polo seu traballo arredor do mundo rural e da cultura campesiña. A actividade é aberta, participativa e gratuíta ata completar aforo.
A área de Deportes reforzará o seu respaldo ao club cunha subvención excepcional ligada á presenza neste torneo estatal. O vicepresidente Efrén Castro visitou este mércores o equipo en Castro Ribeiras de Lea para trasladarlles ánimo e destacar a importancia de competir a este nivel para dar visibilidade ao deporte feminino e avanzar na igualdade. Ademais deste apoio puntual, a Deputación financia de maneira estable a actividade do club cunha subvención nominativa de 70.000 euros, a principal achega institucional ao seu funcionamento.
A función está dirixida ao público adulto e a entrada será de balde, ata completar aforo. O evento conta coa colaboración do Concello. Unha nova oportunidade para gozar do teatro local e apoiar o traballo das compañías da comarca.
