Burela, 25 de novembro de 2016. A xuntanza entre os técnicos municipais e do Consorcio da Igualdade e do Benestar terá lugar finalmente este venres, día 28. O alcalde, Alfredo Llano, espera que ademais das obras pendentes tamén se concrete o convenio que regule a xestión do centro. A visita estaba prevista para mañá, pero tivo que cambiarse para finais da semana.
O rexedor manifestou que “a nosa pretensión e a nosa intención é rematar o antes posible a nova escola infantil para que se poidan xa impartir alí as clases. Hai demanda en Burela e queremos dar resposta o antes posible”.
Alfredo Llano explicou que “íamos ter mañá a reunión, pero por unha cuestión de axenda imos pasala para o venres ás 11:00 horas. Van estar técnicos do Concello e do Consorcio e tamén é posible que vaia algún técnico dalgunha empresa para asesorar. Imos ver como se van executar as obras e como se vai facer a contratación. Estes días xa fixemos un estudo topográfico e queremos poñernos o antes posible a andar para que sexa unha realidade sobre o mes de febreiro aproximadamente. Imos concretar tamén as obras que hai que facer, como hai que facelas, canto van custar e responsabilizarnos cada unha das entidades de certas obras, o Consorcio por un lado e o Concello por outro”.
O alcalde burelés agarda “a posibilidade de que veña o xerente do Consorcio para falar tamén do convenio. Unha cousa son as instalacións e outra o convenio que temos que establecer entre o Concello e o propio Consorcio. Ese convenio que agora mesmo está en mans tamén da Fegamp, que está traballando para que sexa útil para todos os concellos. Queremos un convenio que sexa vantaxoso para o Concello e queremos formar parte da xestión. Iso queremos concretalo nun documento”.
LA BOHÈME
Alfredo Llano tamén se referiu á representación da ópera La Bohème: “foi moi grato para o equipo de goberno e sobre todo para o concelleiro de Cultura porque evidentemente demostrou ter gran capacidade para organizar este tipo de actos. Teño que dicir que con todo o que representa traer a tanta xente, o espectáculo enorme de gran calidade e de alto nivel, a gran cantidade tamén de xente que estivo alí de espectadores que se ocupou todo canto se podía ocupar, para o Concello de Burela grazas a esta gran xestión que fixo o noso concelleiro de Cultura, José Díaz, foi gratuíto para o Concello. Todos saíron e saímos moi contentos, tamén os compoñentes da compañía. Agora Imos ter a orquestra desta mesma compañía que vai vir o 25 de Nadal a dar un concerto de música clásica”.
O alcalde de Burela anunciou que “isto que aconteceu este domingo imos tratar de facelo todos os anos e loxicamente ven como resposta ao gran interese que amosou o público tanto de Burela como da comarca”. E engadiu: “dar a noraboa e moitas grazas a todo o público, que ademais tivo un comportamento extraordinariamente bo”.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
