Ribadeo, 28 de outubro de 2016. A Concellaría de Desenvolvemento Local abriu o prazo de inscrición na XIV edición do Mercado de Nadal, que terá lugar os días 8, 9, 10 e 11 de decembro. Os interesados poden presentar as súas solicitudes ata o 10 de novembro.
A edil nacionalista Ana Martínez dixo que “dende o Concello de Ribadeo, dentro da dinamización non soamente turística senón tamén nun espazo de oportunidades para os profesionais relacionados coa artesanía e o deseño, para os novos creadores e creadoras que se moven dentro do mundo da artesanía e da creatividade, seguimos apostando polo xa tradicional Mercado de Nadal que con esta son catorce as edicións que durante a ponte do mes de decembro en Ribadeo se dispón para que toda esta xente poida presentar, vender e dar a coñecer o seu traballo”.
A concelleira de Desenvolvemento Local anunciou que “para este ano as datas elixidas son o 8, 9, 10 e 11 de decembro. Para a xente que estea interesada en participar ábrese o período de solicitudes, ás que poden acceder a través da páxina web do Concello de Ribadeo, www.ribadeo.gal, entrando no que é a sede electrónica e no taboleiro de anuncios están colgadas as bases de participación. Se manterá a localización na que estivemos o ano pasado, creo que foi un éxito no parque de San Francisco con 25 casetas”.
Martínez engadiu que “a participación ten unha pequena cota que son 125 euros por participante. O prazo está aberto ata o 10 de novembro e a información pódese recoller ben chamando ao Concello de Ribadeo ou ben na propia páxina do Concello. O mercado está un pouco aberto a todos eses novos creadores, emprendedores, emprendedoras que se moven na artesanía en xeral, na ilustración, a fotografía ou complementos de roupa. Falamos de todo aquilo que estea feito a man e que ao mellor non teñen outros canles de visibilizar ou de venta moito máis grandes, e que estas pequenas feiras lles permiten dispoñer precisamente nunhas datas nas que a posibilidade de mercar para agasallos de Nadal tamén pode incrementar as súas ventas”.
A edil ribadense cre que “tamén isto axuda a dinamizar non soamente o que é o espazo do Mercado de Nadal, senón a nosa vila. Moita xente se achega durante estas datas a Ribadeo para gozar dun ambiente entrañable no que ademais hai música e actividades diversas, polo que supón un incentivo para unha vez máis achegarse a Ribadeo”.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continúa con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
