Cervo, 7 de novembro de 2016. O Concello de Cervo ven de rematar as obras de instalación dun ascensor na Casa do Mar de San Cibrao. O investimento ascendeu a 21.000 euros e foi integramente financiado con fondos municipais.
O alcalde, Alfonso Villares, anunciou este luns: “rematamos unhas obras que estivemos facendo durante estes meses na Casa do Mar de San Cibrao e que consistiron na instalación dun ascensor neste edificio que está xestionando o Concello de Cervo. Son obras que consideramos necesarias por canto que este ascensor vai posibilitar o acceso ás distintas plantas que ten este edificio e polo tanto vai permitir que todo tipo de persoas, aquelas sobre todo que poidan ter problemas de mobilidade, poidan acceder a este edificio público”.
Alfonso Villares lembra que “é un edificio que foi adquirido polo Concello xa fai tres anos, despois de moita reivindicación ao Estado, e que desde a súa posta a disposición por parte do Concello de Cervo xa foron numerosas as obras que levamos feito no seu interior. Foron obras, por unha parte, para instalar nese edificio a escola infantil municipal; tamén fixemos hai uns meses o acondicionamento do salón de actos, onde se realizan múltiples actividades deportivas e culturais que organiza ben o Concello ou algunha asociación do municipio”.
Villares salienta que “esta obra vai permitir a accesibilidade ás dúas plantas que ten, mirado ademais sobre todo desde o punto de vista de que na parte superior deste edificio ten a asociación de xubilados Terra Mar posta a súa sede; e polo tanto para facilitar o acceso ás persoas maiores que pertencen a esta asociación foi polo que tamén fixemos o máis rápido posible esta obra”.
O rexedor cervense subliña que “o financiamento foi única e exclusivamente municipal. Foron máis de 21.000 euros con fondos propios os que tivemos que dispoñer para levar adiante esta actuación. É unha obra máis que necesaria, sobre todo pensando en todas as persoas que acoden a este edificio e, como non, para os nosos maiores que pertencen a asociación de xubilados Terra Mar”.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
