Ribadeo, 7 de novembro de 2016. O Concello inicia esta semana as obras de mellora da rúa San Roque, no treito entre as avenidas Calvo Sotelo e Rosalía de Castro. Os traballos contan cun investimento de 83.000 euros, financiado principalmente con fondos propios e cunha achega de 20.000 euros do Ministerio de Fomento.
O alcalde, Fernando Suárez, anunciou que “as obras que pretendemos levar adiante xa a partir desta semana tratan de corrixir as deficiencias que se estiveron creando nestes últimos anos nun treito de rúa peonil importante en Ribadeo como é a rúa San Roque, diante do Teatro”.
O rexedor ribadense dixo que “é concretamente o treito que está entre a avenida Calvo Sotelo e a avenida Rosalia de Castro porque presenta deficiencias seguramente polo paso dos vehículos durante tantos anos, que provocou que esnaquizaran e agora temos tamén moitos problemas cos peóns. Debemos repoñer ese adoquín e reformar todo ese treito”.
Suárez Barcia engadiu que “ao mesmo tempo queremos corrixir o xiro no cambio de sentido na avenida Rosalía de Castro, no que os coches teñen que pasar por riba do paso de peóns. Queremos facer una delimitación máis segura e máis ampla para os peóns sen restar capacidade de xiro aos vehículos. E tamén queremos aproveitar para modernizar as instalación soterradas existentes de saneamento, tendo en conta a situación límite dalgunhas delas debido ao paso do tempo”.
O alcalde subliñou que “esta inversión de máis de 83.000 euros será financiada principalmente por fondos propios do Concello de Ribadeo e nunha pequena parte, uns 20.000 euros, será financiada polo Ministerio de Fomento. O prazo de execución será de tres semanas e a empresa adxudicataria que vai levar adiante eses traballos é a de Construcións Saa de Foz”.
Fernando Suárez pide desculpas polas molestias que se poidan ocasionar: “queremos pedir comprensión durante estes días de obras, xa que seguro que imos causar molestias para os usuarios tanto para os que vivan alí como para os que compren, dado que é unha zona moi concorrida, pero estamos convencidos de que ao cabo duns días no resultado final a pagar a pena”.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
