A Deputada de Cultura, Deseño e Artesanía, Pilar García Porto, presentou este xoves no Pazo de San Marcos a IX Xornada de Literatura de Tradición Oral: Remedios, prácticas e ritos curativos da medicina popular tradicional, que organiza a Asociación de Escritores en Lingua Galega, o vindeiro 12 de novembro no Salón de actos da Deputación. Fíxoo xunto ao Presidente da AELG, Cesáreo Sánchez Iglesias, e os Coordinadores da xornada, Antonio Reigosa Carreiras e Isidro Novo. O organismo provincial colabora coa asociación cunha achega económica de máis de 15.000 euros para a celebración de actividades durante todo o ano.
As persoas que queiran participar na xornada pódense inscribir na www.as-pg.gal ou na www.aelg.gal. Os criterios de selección serán por orde de inscrición, tendo preferencia os socios e afiliados á AS-PG e á AELG. A matrícula é totalmente gratuíta.
Obxectivos
Achegar ao profesorado coñecementos para o seu traballo na aula en relación coa cultura popular tradicional, facilitar un foro de reflexión útil ao profesorado para comprender e transmitir os valores da nosa cultura, incidir en prácticas e coñecementos que posibiliten o desenvolvemento de habilidades cognitivas en relación coa cultura popular e informar sobre a presenza dos tema da medicina popular tradicional en relación coa literatura popular galega de tradición oral.
Programación
– Ás 10:30 horas.- Conferencia Uso das plantas medicinais no Caurel: Tradición e Cultura Popular, impartida por María Moure Oteyza. Licenciada en Farmacia pola USC, obtivo a Suficiencia Investigadora en dita Universidade. No coloquio debaterán sobre as propiedades beneficiosas das plantas e os seus efectos.
– Ás 11:30 horas.- Conferencia A recollida da memoria oral como método de aprendizaxe. O valor de espertar e guiar a curiosidade, por Ana Lois, Licenciada en Ciencias da Información pola Universidade de Santiago, Directora do proxecto documental sobre medicina tradicional palabrassecretas.com e Directora do documental Lume na Auga e do proxecto de divulgación arqueolóxica santamarinadeaugassantas.com.
– Ás 12:30 horas.- Mesa redonda: Escoitar, ver e aprender. O saber que cura, por María Moure Oteyza e Ana Lois. Coordina: Antonio Reigosa. A curiosidade é a chave que abre as portas do saber. E o saber é un proceso, unha experiencia, precisa dunha metodoloxía e dunha predisposición para comprender as claves da nosa cultura popular.
– Ás 16:00 horas.- Conferencia A medicina popular en Galicia, por Pablo Vaamonde, Médico de familia no Centro de Saúde de Labañou, Fundador e director da revista médica Cadernos de Atención Primaria (1994-2005), Presidente da Asociación Galega de Medicina Familiar e Comunitaria (AGAMFEC) de 1996 a 2005 e Vicepresidente do Colexio de Médicos de A Coruña (1998-2005). Neste coloquio abordarán o tema dos menciñeiros, e porque a xente segue a recorrer neles.
– Ás 17:00 horas.- Conferencia Curando coa palabra entre a literatura e a medicina popular, por Ana Acuña, Doutora en Filoloxía Galega e profesora na Universidade de Vigo, é autora de traballos sobre lingua e literatura, particularmente galega. Na conferencia debaterán sobre se a palabra pode ser, unha medicamento máis ao noso alcance.
– Ás 18:00 horas.- Mesa redonda: Médicos ou menciñeiros? Da psique á psiquiatría, por Pablo Vaamonde e Ana Acuña. Coordina: Isidro Novo. A nosa cultura popular tradicional era un sistema harmonizado que foi substituído por outro considerado máis efectivo. Mais, cando a enfermidade non atopa remedio, todo se cuestiona.
– Ás 19:30 horas.- Aprender a ver e a sentir: Arredor de nós está a vida. Identificación e aplicación de remedios curativos con herbas da nosa contorna, por Carmiña Prado Penas. O obxectivo desta charla é descubrir que no noso contorno hai plantas que teñen unha longa historia como remediadoras das doenzas humanas.
Asociación de Escritores en Lingua Galega
A Asociación de Escritores en Lingua Galega (AELG) é a entidade oficial que reúne máis de 415 escritores e escritoras da literatura galega en todas as súas manifestacións: poesía, narrativa, teatro, ensaio, escrita científica ou traducións, entre outros. Foi fundada no ano 1980 por algúns dos escritores máis importantes da historia literaria e dela foron membros por exemplo Álvaro Cunqueiro, Ánxel Fole ou Uxío Novoneyra. A asociación agrupa autores e autoras residentes tanto en Galicia como fóra dela, tendo como único requisito de afiliación a condición de contar cando menos cun libro individual publicado en lingua galega.
A AELG traballa a prol da dignificación do oficio do escritor, así como da promoción dos autores e das súas obras, do fomento da interrelación con outros profesionais, doutras literaturas ou doutras áreas en xeral, proporcionando foros para o debate das ideas cunha perspectiva monográfica e transversal.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
