O Pescados Rubén Burela FS visitará este sábado, na 10ª xornada de Primeira RFEF a un novel, o Leganés Masdeporte (18.00 horas, La Fortuna), con moita cautela malia os números. “É un recentemente ascendido, non coñecemos moito del pero o que si sabemos é que gañou ao Roldán, que é un equipazo, e que as súas derrotas foron case sempre pola mínima. Non nos podemos confiar” advertía Bea Mateos esta mañá, tras o último adestramento da semana para as laranxas.
Desde a 4ª praza, con 18 puntos, as mariñás plantaranse na pista do 13º clasificado, con 5 puntos, que desde o dobre empate nas xornadas inaugurais (2-2 Rubí e 1-1 Rioja) non puido volver puntuar ata a 8ª na visita do Roldán (3-2). As pupilas de Lucas e Julio Delgado buscarán dar continuidade ao traballado, merecido e sufrido triunfo da semana pasada no derbi con Ourense Envialia (1-0). “Puidemos adestrar con outro ánimo. O equipo necesitaba unha vitoria así e ante un rival que vai estar arriba; estamos con máis ilusión, con ganas de seguir facendo as cousas vén e ir partido a partido. Se saímos coma o sábado pasado en Vista Alegre poucos equipos nos van gañar na tempada; sabendo o que temos que facer, xogando en equipo e sufrindo, os resultados iranse dando” aseguraba a 14 burelista.
O Pescados Rubén está vivindo unhas semanas complicadas con escaseza de efectivos, un hándicap que intentan suplir cun esforzo extra e sobre todo con ilusión: “As lesións estannos minguando moito. Eu tiven un grande inicio, pero agora estou intentando recuperarme dunhas malas semanas. No entanto estou con moitas ganas e ilusión e intentando asumir a responsabilidade que me deron, unha faceta que me gusta” explicaba con optimismo Bea, que comparte a capitanía con Jozi esta tempada.
Na expedición mariñá, que partirá mañá ás 8.00 horas, non participarán Betim, por unha posible rotura de fibras, nin Paula, por un proceso vírico; Dany viaxará con molestias. Helena, afastada das pistas desde setembro, foi intervida onte con éxito no Polusa de ligamento cruzado anterior e menisco externo.
Convocatoria Leganés Masdeporte: 1. Marta Balbuena, 2. Marina, 3. Laura Jiménez, 4. Elsa Echarri, 5. Laura Medina, 7. Aida, 8. Benete, 9. More, 10. Puche, 13. Merce, 14. Patri Montilla, 10. Ampi
Convocatoria Pescados Rubén Burela FS: 1. Jozi, 3. Dany, 6. Silvia, 10. Lara, 13. Nerea, 14. Bea Mateos, 15. Judith, 16. Cilene, 17. Sofía, 18. Shiori, 26. Elvira.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
