O Presidente da Deputación, Darío Campos Conde, remitiu este luns unha carta ao Presidente da Xunta, Alberto Núñez Feijóo, solicitándolle unha reunión de traballo, na que “abordar as preocupacións dos lucenses e acordar colaboracións entre as institucións que temos a honra de presidir”. Tendo en conta os compromisos que Feijóo apuntou no Parlamento galego para este mandato, Campos pídelle que un dos principal temas a tratar neste encontro sexa a colaboración entre ambas as dúas administracións na rede pública de residencias e centro de día da Deputación nos Concellos da provincia.
A carta apunta textualmente:
En primeiro lugar, como Presidente da Deputación de Lugo, quero trasladarche, no meu nome e no de toda a Corporación Provincial, a noraboa pola túa toma de posesión como Presidente da que é a principal administración galega.
Comeza a décima lexislatura da Xunta de Galicia, e agardo que con ela, tal e como aseguraches no Parlamento, “un tempo novo”, baseado no “diálogo”, na “unidade” e no “consenso”, no que o Goberno que presides “tende a man a todos” para “traballar xuntos” e ofrecer “solucións conxuntas” aos cidadáns.
Non perdamos o tempo. Os veciños da provincia de Lugo cómpren de solucións conxuntas por parte das súas administracións. Por iso, solicítoche un encontro, unha reunión de traballo, na que abordar as principais preocupacións dos lucenses e acordar colaboracións entre as institucións que temos a honra de presidir.
Permítame que continúe a facer alusión ás túas recentes verbas na Cámara galega, onde subliñaches que este mandato ía a ser “o do rural”; onde a túa “principal preocupación” ían ser “as persoas que máis sofren”; onde un dos teus principais obxectivos ía ser a “mellora dos servizos públicos”; ou onde un dos teus compromisos ía a ser a creación de “prazas públicas para os maiores”.
Baixo estas premisas, Lugo, unha provincia eminentemente rural, cunha alta porcentaxe de maiores que requiren de servizos públicos de calidade para a súa atención, e cun elevado grao de dispersión, ten que estar no centro da folla de ruta da Xunta de Galicia neste “tempo novo”.
Como sabes, na Deputación de Lugo continúamos a traballar na posta en marcha dunha rede pública de residencias e centros de día nos Concellos. Trátase dun proxecto que potencia o rural, pois levamos estas instalacións públicas aos municipios, dinamizando a súa economía; un proxecto para as persoas que máis o necesitan, os nosos maiores, aos que lles ofrecemos esta prestación preto das súas casas; un proxecto que impulsa os servizos públicos, pois está xestionado pola Deputación de Lugo; e un proxecto que require de prazas públicas a través de convenios de colaboración entre a Deputación de Lugo e a Xunta de Galicia, para, verdadeiramente, impulsar os servizos públicos e garantir o seu acceso universal.
Só traballando xuntos poderemos garantir que os maiores desta provincia, que teñen unhas das pensións medias máis baixas de España, poidan acceder a estas instalacións públicas.
Por todo isto, agardo que, canto antes, poidas recibirme para tratar esta e outras cuestións de vital importancia para os veciños desta provincia.
Como non podía ser doutro xeito, tamén poño a túa disposición as instalacións desta Deputación de Lugo para manter, coa máxima axilidade, esta reunión de traballo.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
