Empresas e colectivos sociais sen ánimo de lucro de 61 Concellos da provincia solicitaron á Deputación un total de 765 axudas económicas para contratar novo persoal a través do Ben Empregado 3, o programa que o Goberno Provincial decidiu reeditar para xerar novos postos de traballo na provincia con 2,3 millóns de euros.
O organismo provincial publicou en www.deputacionlugo.gal a listaxe das solicitudes incompletas para que os concorrentes corrixan erros ou deficiencias e continuar coas súas solicitudes. Cómpre destacar que o prazo para facelo é ata o venres incluído.
Aquelas entidades ou asociacións que non figuren en dita listaxe é porque teñen toda a documentación en regra, feito que non implica que xa sexan beneficiarias, pois a avaliación definitiva farase rematado este prazo de subsanación de erros.
765 solicitudes para 3 liñas de contratación
As 765 solicitudes recibidas por parte de empresas e colectivos sociais dos 61 Concellos lugueses son para as seguintes tres liñas de contratación, que acordou ofrecer o Goberno da Deputación:
– Liña 1 dirixida a empresas para a contratación de desempregados lucenses, onde a institución sufraga o 50% dos gastos laborais dos novos traballadores: recibíronse 490 solicitudes.
– Liña 2 dirixida a empresas para a contratación de desempregados lucenses con capacidades diferentes ou en risco de exclusión laboral, onde a institución sufraga o 100% dos gastos laborais dos novos traballadores co obxectivo de favorecer a súa inserción laboral unha clara aposta pola integración social: recibíronse 143 solicitudes.
– Liña 3 dirixida a colectivos sociais sen ánimo de lucro para a contratación de desempregados lucenses, onde a institución sufraga o 100% dos gastos laborais dos novos traballadores: recibíronse 132 solicitudes.
Solicitudes por zonas da provincia:
De 15 Concellos da Mariña, recibíronse 115 solicitudes: 72 son para a contratación de desempregados lucenses en empresas da zona (liña 1); 22 para a contratación de parados con capacidades diferentes ou considerados en risco de exclusión laboral tamén en entidades mariñás (liña 2); e 22 para a contratación de desempregados en colectivos sociais sen ánimo de lucro da Mariña.
Estes municipios son: Abadín, Barreiros, Burela, Cervo, Foz, Lourenzá, Mondoñedo, Ourol, A Pontenova, Ribadeo, Riotorto, Trabada, Valadouro, Viveiro e Xove.
De 18 Concellos da zona Centro, recibíronse 378 solicitudes: 235 son para a contratación de desempregados lucenses en empresas da zona (liña 1); 66 para a contratación de parados con capacidades diferentes ou considerados en risco de exclusión laboral tamén en entidades da zona (liña 2); e 77 solicitudes para a contratación de desempregados en colectivos sociais sen ánimo de lucro do Centro lugués.
Estes municipios son: Lugo, Begonte, Castro de Rei, Muras, Castroverde, O Corgo, Cospeito, Friol, Guitiriz, Guntín, Meira, Outeiro de Rei, Pastoriza, Pol, Portomarín, Rábade, Vilalba e Xermade.
De 6 Concellos da Comarca de Sarria, recibíronse 94 solicitudes: 73 son para a contratación de desempregados lucenses en empresas da zona (liña 1); 15 para a contratación de parados con capacidades diferentes ou considerados en risco de exclusión laboral tamén en entidades desta Comarca (liña 2); e 6 solicitudes para a contratación de desempregados en colectivos sociais sen ánimo de lucro de Sarria.
Estes municipios son: O Incio, Láncara, Paradela, O Páramo, Sarria e Triacastela.
De 2 Concellos da Comarca da Ulloa, recibíronse 23 solicitudes: 19 son para a contratación de desempregados lucenses en empresas da zona (liña 1); 2 para a contratación de parados con capacidades diferentes ou considerados en risco de exclusión laboral tamén en entidades desta Comarca (liña 2); e 2 solicitudes para a contratación de desempregados en colectivos sociais sen ánimo de lucro da Ulloa.
Estes municipios son Monterroso e Palas de Rei.
De 10 da Montaña, recibíronse 59 solicitudes: 34 son para a contratación de desempregados lucenses en empresas da zona (liña 1); 19 para a contratación de parados con capacidades diferentes ou considerados en risco de exclusión laboral tamén en entidades da zona (liña 2); e 6 para a contratación de desempregados en colectivos sociais sen ánimo de lucro da Montaña.
Estes municipios son: Baralla, Becerreá, Cervantes, Folgoso do Courel, A Fonsagrada, Navia de Suarna, Negueira de Muñiz, As Nogais, Pedrafita do Cebreiro e Ribeira de Piquín.
De 10 da Zona Sur, recibíronse 87 solicitudes: 51 son para a contratación de desempregados lucenses en empresas da zona (liña 1); 20 para a contratación de parados con capacidades diferentes ou considerados en risco de exclusión laboral tamén en entidades da zona (liña 2); e 16 para a contratación de desempregados en colectivos sociais sen ánimo de lucro do Sur lugués.
Estes municipios son: Bóveda, Carballedo, Chantada, Monforte de Lemos, Pantón, A Pobra do Brollón, Quiroga, Ribas de Sil, Sober e Taboada.
Prazos e requisitos
Unha vez que este venres remate o prazo de subsanación de erros das solicitudes, avaliaranse de novo e no seu conxunto as mesmas para, entre finais deste ano e principios de 2017, publicar a listaxe das empresas e colectivos sociais que finalmente resulten beneficiados. Cómpre subliñar que quedarán fóra do Ben Empregado 3 aquelas entidades e colectivos que se beneficiasen do Ben Empregado 1 e 2 e non contratasen aos traballadores que lles subvencionou a Deputación durante un ano, unha vez que deixaron de recibir a axuda económica provincial.
Valoraranse positivamente as propostas que impliquen melloras na contratación con respecto aos convenios do sector, as que impliquen contratacións indefinidas, que inclúan medidas de conciliación, cursos de formación ou melloras no sistema produtivo, entre outras. Todas estas cláusulas sociais incorporaranse, obrigatoriamente, nos contratos laborais dos traballadores.
As empresas e entidades beneficiadas terán a obrigación de cumprir coas cláusulas sociais. De non facelo, perderán a subvención. A Deputación establece máis medidas de control. Por exemplo, os 10 primeiros días de cada mes terán que notificar ao organismo provincial, con documentación oficial, o ingreso das nóminas aos traballadores.
Entre finais deste ano e principios de 2017 tamén se publicarán os perfís laborais que requiren as empresas e asociacións que resulten beneficiadas do Ben Empregado 3, e se abrirá o prazo de solicitude dos novos postos de traballos para, exclusivamente, desempregados lucenses.
As subvencións da Deputación para empresas e asociacións serán dun máximo de 22.000 euros, cos que sufragar (nun 50% ou nun 100%, dependendo da liña) os custos laborais dos novos traballadores. Con este orzamento, as entidades e colectivos poderán contratar o número de traballadores que necesiten, respectando, sempre os seus dereitos laborais. Estas poden facer a súa propia achega económica.
Capacidades diferentes
Ao respecto da contratación de persoas con capacidades diferentes ou en risco de exclusión laboral a Deputación conta con máis de 300 perfís profesionais que serán trasladados ás empresas e entidades beneficiarias, co fin de facilitar a contratación destes profesionais. Unha das novidades é a posta en marcha, dende a Deputación, dun Servizo de Intermediación Laboral para axudar aos traballadores a integrarse nas empresas e entidades nas que sexan contratados. A outra é que o organismo provincial sufragará o equipamento que sexa necesario para que as persoas con capacidades diferentes leven a cabo o seu traballo.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
