Cervo, 18 de novembro de 2016. A importancia de preservar a calidade do aire nas cidades é o tema que se abordou nas xornadas que se celebraron onte en Málaga e nas que participou o alcalde de Cervo, Alfonso Villares, como presidente da Comisión de Medio Ambiente da Federación Española de Municipios y Provincias.
O alcalde de Cervo explicou que estivo en Málaga “nunhas xornadas da Federación Española de Municipios y Provincias (FEMP) como presidente da Comisión de Medio Ambiente da FEMP, xornadas que versan sobre a mellora da calidade do aire nas cidades. É un aspecto moi importante porque nas cidades residen moitas persoas e a polución, sobre todo polos automóbiles e tamén polas calefaccións dos fogares, é máis abundante que nas zonas rurais”.
O rexedor cervense engade que “é nas cidades onde ás veces, cando ese nivel de contaminación é excesivo, hai que tomar medidas alternativas, como levamos escoitando durante estes últimos días, á hora de intentar limitar a circulación de vehículos en función de distintos factores, ben sexa pola matrícula ou polo tipo de vías. Tamén á hora de intentar tomar medidas sobre todo de concienciar á xente para a utilización do transporte público, de ir ao traballo a pé incluso en bicicleta, como sexa, pero hai que intentar facer o posible para deixar o coche o maior tempo posible nas nosas casas”.
Alfonso Villares salienta que “estas xornadas tratan sobre todo de intentar facer o posible para concienciar a todos os veciños do importante que é tomar estas medidas, porque evidentemente non estamos xogando unicamente coa nosa vida senón que tamén estamos a xogar coa vida das xeracións futuras; e tamén por elas temos que mirar e deixar ás veces de ser tan egoístas de mirar unicamente para nós sos”.
O alcalde de Cervo indica que “dentro das distintas temáticas que se están a trasladar estase tamén a ver cales son as distintas directivas europeas que se están propoñendo sobre todo á hora de intentar utilizar combustibles alternativos e distintas prácticas municipais para mellorar a calidade do aire que se están a aplicar en distintas cidades como poden ser Sevilla, Madrid e incluso aquí, en Málaga”.
Villares subliña que “o máis importante de todo é que falemos realmente da importancia que ten preservar a calidade do noso aire porque ao fin e ao cabo diso depende a nosa vida”.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
