Burela, 18 de novembro de 2016. Os concelleiros de Turismo e Medio Ambiente, Ramiro Fernández e Noelia Mª Ben, amósanse satisfeitos pola consecución dunha subvención do Galp A Mariña-Ortegal para a posta en marcha do proxecto Entre arcos e cantís, que levarán adiante os Concellos de Burela, Cedeira e Ribadeo.
Fernández Rey dixo que “estamos relativamente satisfeitos, aínda que esperabamos máis axuda, dado que o noso foi o proxecto mellor valorado. De todos os xeitos estamos contentos e orgullosos porque nos permitirá poñer en valor o noso patrimonio xeolóxico e paisaxístico”.
O edil burelés sinalou que “deste xeito contaremos cun recurso turístico máis para o noso Concello. Xa durante o pasado verán puidemos observar o éxito que tivemos coas rutas xeolóxicas que realizamos en Burela. As persoas que as fixeron amosaron a súa admiración pola ampla variedade de rochas que se atopan no noso concello e polos pregues mellor conservados a nivel nacional. Tiñamos aí o patrimonio, que era un descoñecido para os visitantes, pero tamén para os veciños e veciñas de Burela”.
Noelia Mª Ben manifestou que “nas Concellerías de Turismo e Medio Ambiente estamos moi contentos pola consecución deste proxecto, que é global e non local, e que porá en valor todo o territorio tanto na Mariña como en Ortegal. Agora queremos animar a toda a xente que visite esta zona a que se deixe sorprender pola riqueza xeolóxica, paisaxística e patrimonial da que poderá gozar nos tres Concellos que formamos parte do proxecto Entre arcos e cantís”.
O concelleiro de Turismo engadiu que “este proxecto suporá a posta en marcha de diversas actividades, ademais de darlles continuidade ás rutas xeolóxicas ou xeorrutas”. E felicitou “á axente de Desenvolvemento Local de Ribadeo polo traballo realizado para que es proxecto conxunto dos tres Concellos saíse adiante e tamén as traballadoras da Aula Medio Ambiental Gaia de Burela, porque fixeron un traballo moi bonito”.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
