Un total de 100 alumnos de 40 centros educativos de Galicia, preparados por 77 profesores, medirán os seus coñecementos e destrezas en Formación Profesional na cuarta edición de Galicia Skills, que se celebrará no recinto Feira Internacional de Galicia Abanca os próximos 30 de novembro e 1 e 2 de decembro. Así o anunciou esta mañá o conselleiro de Cultura, Educación e Ordenación Universitaria, Román Rodríguez, con motivo da presentación do dito campionato, na que tamén participou o director xerente da Fundación Semana Verde de Galicia, Ricardo Durán. Ao acto tamén asistiu o director xeral de Educación, FP e Innovación Educativa, Manuel Corredoira.
Tal e como explicou o titular do departamento educativo da Xunta de Galicia, o obxectivo da iniciativa pasa por poñer en valor o traballo dos centros, do profesorado e do alumnado de FP, tendo en conta que se trata dunha modalidade de formación cada vez máis especializada, vinculada ás necesidades da sociedade e dos sectores produtivos e que aposta polo emprendemento e innovación como ferramentas para favorecer a inserción laboral dos mozos e mozas. “Viviremos tres días de gran intensidade e competición sa, que servirán para que a Formación Profesional galega saque músculo”, remarcou Román Rodríguez.
17 especialidades de competición nun único recinto
O alumnado participante nas Galicia Skills 2016 reunirase por primeira vez nun único recinto e competirá ao mesmo tempo, dado que, en edicións anteriores, as distintas competicións desenvolvíanse en diferentes centros educativos ao longo do mes de outubro. Isto converterá a Silleda, en palabras do conselleiro, “na capital da FP galega” durante tres días.
Son un total de 17 as especialidades, as denominadas “skills”, en competición, e estas correspóndense con un ou máis ciclos das distintas familias profesionais. En concreto, o alumando medirá as súas destrezas en: Mecanizado, Soldadura, Control industrial, Mecatrónica, Enxeñería de deseño mecánico-CAD, Refrixeración, Ebanistaría/Carpintaría, Peiteado, Tecnoloxía da moda, Pastelaría, Cociña, Servizo de restaurante e bar, Tecnoloxía do automóbil, Pintura do automóbil, Xardinaría paisaxística, Administración de sistemas en rede e Coidados auxiliares de enfermería. Así mesmo, tamén haberá dúas especialidades en demostración, Floraría –realizada polo alumnado do IES San Rosendo de Mondoñedo– e Instalacións eléctricas, cuxa demostración correrá a cargo do IES Universidade Laboral de Culleredo.
Deste xeito, cada un dos gañadores en cada unha das 17 especialidades pasará a formar parte do equipo de alumnos e alumnas que representará a Galicia no campionato nacional Spainskills, que se celebrará do 27 de febreiro ao 4 de marzo de 2017.
Centros educativos colaboradores
Ademais da implicación e esforzo dos centros participantes no campionato, o conselleiro de Educación tamén agradeceu a colaboración de outros 19 profesores expertos en cada competición, que se encargarán de revisar que todo estea preparado e listo para a cita. Así mesmo, fixo fincapé no traballo que hai por detrás do torneo para que todo funcione correctamente, un traballo desempeñado por nove centros educativos que se encargan de cuestións técnicas como a montaxe, do subministro de equipamento, do catering, da elaboración das medallas, etc.
En palabras de Román Rodríguez, “estamos falando, por tanto, dun campionato feito para o alumnado e o profesorado de FP por alumnado e profesorado de FP”. Un torneo, en resume, que busca promover o atractivo destas ensinanzas, demostrar o traballo innovador que se está desenvolvendo nos centros, motivar ao alumnado a seguir mellorando a súa formación, favorecer a relación intercentros e co mundo empresarial –que tamén estará representado no campionato–, así como recoñecer e estimular o traballo continuo do profesorado.
Recoñecéronse as ganderías con máis participación na baixada tradicional e na feira, así como os mellores exemplares das distintas razas e categorías equinas. García destacou o valor das San Lucas como espazo de recoñecemento ao gando cabalar e ao labor dos gandeiros, fundamental para o coidado dos montes e a preservación das paisaxes tradicionais. A xornada incluíu unha homenaxe a Luciano García, falecido en xullo, impulsor da baixada dos cabalos e fundador de Puraga.
Tras unha parada nas Pontes para contemplar o lago e lembrar o pasado industrial da zona, o grupo visitou Pontedeume, onde repasou a historia da liñaxe dos Andrade e percorreu unha vila chea de patrimonio e vitalidade. Pola tarde, no mosteiro de Sobrado dos Monxes, os participantes apreciaron o legado da orde do Císter e do barroco galego, e escoitaron parte dunha mostra de música coral. A entidade agradeceu as explicacións de Enrique Campos, secretario da ACFL, así como as achegas de Celia Castro sobre arquitectura medieval e a vida cisterciense.
A conselleira do Medio Rural acompañada polo director de Turismo de Galicia, Xosé Merelles, asistiu este sábado á feira e festas das San Lucas.
A mostra inaugúrase o luns 19 de outubro ás 12.00 horas na Casa da Cultura, onde permanecerá aberta ao público ata o 19 de novembro. A iniciativa, promovida polo Concello, ofrece unha selección de obras nas que o artista explora a cor, a luz e a expresión contemporánea, consolidando a súa traxectoria dentro deste movemento artístico.
Da man da FCAM Ribagorda está a coñecer establecementos comerciais que cumpriron corenta anos de vida e outros que se achegan aos cen. A Federación de Comercio A Mariña aproveita esta estadía do coñecido xornalista para amosarlle as potencialidades turísticas da comarca. José Ribagorda visitou a Basílica de San Martiño en Foz e o Centro de Interpretación da Faba en Lourenzá. A súa viaxe pola Mariña seguirá hoxe e mañá.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
A cita será o luns 19 de outubro, ás 17:30 horas, cun punto de encontro no peirao de San Cibrao. Ademais, os diferentes edificios municipais iluminaranse de cor rosa para sensibilizar á poboación sobre a importancia da detección precoz, fundamental para mellorar o prognóstico e a supervivencia das pacientes que padecen esta enfermidade.
