Lourenzá, 28 de novembro de 2016. O Concello de Lourenzá iniciará nos próximos días obras de mellora en varios viarios municipais das parroquias de San Adriano, Santo Tomé e Santa María cun investimento total de 57.000 euros.
A alcaldesa, Rocío López, anunciou hoxe que “o investimento total que se vai a levar a cabo no mantemento destes viarios municipais cifra os 57.063 euros, dos cales 45.650 corresponden a unha achega da Deputación de Lugo con cargo ó Plan Provincial de Cooperación de Obras e Servizos mentres que o Concello destina un total de 11.413 euros de fondos propios”.
A rexedora municipal explicou que “o Concello está a facer o seu traballo tal e como se comprometeu no seu día. Temos unha rede viaria moi extensa e a escaseza de recursos dificulta que poidamos actuar de inmediato en toda ela. Pero pouco a pouco imos cumprindo co noso obxectivo e grazas a axudas coma esta podemos ir acondicionando os nosos viarios. Somos conscientes de que aínda queda moito traballo por facer e moitas pistas por arranxar no municipio. Cando os recursos son escasos e necesario priorizar necesidades e ter unhas estradas en boas condicións de acceso e transito é, sen dúbida, fundamental. Por iso centramos a nosa política de traballo nesa dirección e esperamos ir chegando a tódolos barrios para mellorar as condicións nas que se atopan os seus camiños”.
Rocío López especificou que “os traballos previstos inclúen actuacións nas parroquias de San Adriano (barrio de Ríos), Santo Tomé (O Cal e Castiñeiras Verdes) e Santa María (camiño da Tilleira cara a San Xusto). Fai uns meses, a través do Plan Marco da Xunta, tamén se acondicionaron camiños na parroquia de San Xurxo”.
A alcaldesa considera que estas actuacións son “prioritarias e fundamentais para mellorar a calidade de vida dos veciños e veciñas, xa que permiten mellorar as infraestruturas básicas e os equipamentos públicos”.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
O sindicato denuncia a decisión unilateral da empresa de retirar días de descanso e implantar quendas que dificultan a conciliación. As concentracións serán nos centros de traballo de Foz (Uxío Novoneira s/n) e Ribadeo (Avda. Galicia 27). Lémbrase que non é unha folga e apélase á solidariedade da plantilla para defender as condicións laborais conquistadas.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas deste martes, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
