Cervo, 28 de novembro de 2016. O alcalde de Cervo participa no Congreso Nacional de Medio Ambiente (CONAMA), que se celebra este luns e martes, en Madrid, como presidente da Comisión de Medio Ambiente da Federación Española de Municipios e Provincias (FEMP). Alfonso Villares presentará unha guía para as entidades locais sobre xestión de residuos.
O rexedor cervense explicou: “estou en Madrid, como presidente da Comisión de Medio Ambiente da Federación Española de Municipios y Provincias, en CONAMA, que é o Congreso Nacional de Medio Ambiente e celebra a súa décimo terceira edición. É un congreso onde se xuntan técnicos de todas as administracións, do sector privado e tamén do sector público para falar de aspectos relacionados co medio ambiente”.
O alcalde de Cervo considera que “o medio ambiente cada vez ten que ter máis presenza nas nosas vidas, de todas as persoas, non soamente nas cidades senón tamén das que viven en concellos rurais ou sitios máis pequenos, como pode ser o noso”.
Alfonso Villares engadiu que “dentro deste congreso nacional fixemos un apartado en nome da Federación Española de Municipios y Provincias e imos dar unha serie de conferencias para falar dos distintos obxectivos do desenvolvemento sostible, do cambio climático e tamén da xestión de residuos. Tanto eu como o subdirector de Medio Ambiente da Federación Española de Municipios y Provincias imos dar unha explicación dunha guía de experiencias locais da xestión de residuos e reciclaxe. Despois imos trasladar estas guías a todas as entidades locais de toda España, eu en concreto primeiro ás galegas, para que sirvan dun instrumento que considero fundamental para técnicos e políticos á hora de intentar facer unha xestión máis eficiente e eficaz dos nosos residuos”.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
O sindicato denuncia a decisión unilateral da empresa de retirar días de descanso e implantar quendas que dificultan a conciliación. As concentracións serán nos centros de traballo de Foz (Uxío Novoneira s/n) e Ribadeo (Avda. Galicia 27). Lémbrase que non é unha folga e apélase á solidariedade da plantilla para defender as condicións laborais conquistadas.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas deste martes, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
