Os delegados e delegadas da CIG en Os Irmandiños e no Grupo Feiraco reuníronse para abordar a nova situación tralo proceso integrador de ámbalas dúas cooperativas xunto coa de Melisanto nun novo grupo cooperativo de grao dous que nacerá xa a partir de xaneiro co nome de CLUN (Cooperativas Lacteas Unidas).
Na reunión quedou claro que, por definición, non podemos, de antemán, máis que estar a favor de calquer proceso que redunde nunha maior aposta polos proxectos cooperativos e nunha defensa e posta en valor dos sectores productivos do país.
Agora iso non é óbice para que, dende o punto de vista sindical e laboral , asistamos a este proceso con preocupación. Preocupación en primeiro termo pola indefinición neste senso que as direccións das cooperativas están mostrando. A día de hoxe consideramos que o persoal das distintas cooperativas está sendo o gran esquecido no proceso e a información que se lles proporciona brila pola súa ausencia. Dende as direccións das cooperativas aseguran que se respectarán os dereitos laborais das plantillas, algo ao que, por outra parte, xa están obrigados por lei. Agora ben cando se lles plantexan dúbidas e interrogantes tales como cal vai ser o Convenio Colectivo de aplicación -habida conta que cada cooperativa accede á integración con cadanseu Convenio-, ou se a previsible especialización de centros de traballo ocasionará mobilidade xeográfica ou funcional, non atopamos máis que evasivas e dúbidas por resposta. É por isto que a incertidume se está apoderando das plantillas, e xa que logo dos seus representantes sindicais, que xa non saben se preocuparse máis porque esté todo xa previsto e non se diga, ou se porque o proceso a estas alturas non teña estes aspectos xa ben estudados e planificados.
En segundo termo a nosa procupación vai porque CLUN, dado xa o tamaño e dimensión coa que nace pase a ter os comportamentos ao uso dunha grande empresa máis do gran capital onde só importe ter máis e máis beneficios aínda a costa de precarizar cada día máis as condicións laborais dos seus traballadores e traballadoras.
Ante esta situación dende CIG Feiraco e CIG Irmandiños solicitamos ás direccións das respectivas cooperativas a maior información e transparencia posible así como un continuo diálogo coa representación sindical que fuxa en todo caso da mera información tras feitos consumados.
En calquer caso queremos deixar claro que a partir de agora dende a representación dunha e outra cooperativas estaremos en continuo contacto para que flúa calquer información que neste senso vaia aparecendo e para actuar de forma coordinada cando e como sexa preciso.
E asimesmo estaremos especialmente vixiantes en todo o proceso para que se garantan todos os postos de traballo e as condicións dos mesmos.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
O sindicato denuncia a decisión unilateral da empresa de retirar días de descanso e implantar quendas que dificultan a conciliación. As concentracións serán nos centros de traballo de Foz (Uxío Novoneira s/n) e Ribadeo (Avda. Galicia 27). Lémbrase que non é unha folga e apélase á solidariedade da plantilla para defender as condicións laborais conquistadas.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas deste martes, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
