Lugo, 1 de decembro de 2016.- O Grupo Provincial do Partido Popular dá a benvida ao BNG ao sumarse ás reivindicacións que dende hai anos están a trasladar os populares para que a Deputación de Lugo mellore a colaboración con todos os concellos da provincia e cree un plan de axuda ás administracións locais “máis ambicioso, seguindo criterios obxectivos” e que dea “unha verdadeira resposta ás necesidades dos veciños”.
A voceira dos populares, Elena Candia, fixo estas declaracións tras a proposta que presentaron dende o Bloque Nacionalista Galego e a través da que suxiren un único plan de colaboración cos concellos. Dende o Grupo do PP danlle as grazas ao BNG por unirse ao que os populares definen “como algo ineludible e que a Deputación de Besteiro e agora a de Campos está a dar de lado, que é a de cumprir coa súa competencia regulada por lei, a de colaborar con todos os concellos”.
Candia lembra que “durante anos os concellos se viron sometidos ao sectarismo político e partidista” incluso “moitas administracións locais achegaban máis á Deputación do que recibían do ente provincial”. Os populares na Deputación censuraron de xeito reiterado estas actitudes e “a través das fórmulas que tiñamos nas nosas mans presentamos diferentes iniciativas para mellorar a colaboración da Deputación con todos e cada un dos concellos da provincia”.
Neste eido, de presentarse un orzamento que permita un reparto do financiamento guiado por “criterios obxectivos”, a voceira dos populares asegurou que “contarán co apoio do Grupo Popular e así terán a maioría absoluta do pleno”. “Invitámolos a que elaboren unha proposta de acordo nesa dirección e se a cumpren, o PP vaina apoiar”.
O BNG ve mellor a realidade na oposición
“O BNG no Goberno non se daba conta da realidade da provincia”, aseguran dende o Grupo Popular e “agora na oposición parecen ver mellor as necesidades dos seus veciños e veciñas e unha delas pasa porque a Deputación cumpra coas súas funcións e sexa un verdadeiro ente implicado coas administracións locais”.
“O BNG ve moito mellor as necesidades e o realismo da provincia cando está na oposición que cando estaba no Goberno, xa que non podemos esquecer que tivo gobernando ata antonte e o PP levou de forma insistente e reiterada esta proposta ao pleno, pero encontrámonos sempre co voto en contra dos deputados nacionalistas”, analizou Candia. De todos modos, engade a popular que “o importante é que rectifiquen e que haxa orzamentos”.
Uns Presupostos que non chegan
O Grupo Provincial do Partido Popular tamén se pregunta “unha vez máis” polos presupostos da Deputación para o ano 2017. “Pedímoslles responsabilidades e rigor ao equipo de Goberno da Deputación de Lugo e ao seu presidente, o socialista Darío Campos, para que non se repita a situación vivida na pasada anualidade, que mantivo a esta provincia sen contas ata o segundo trimestre do ano”. Así, segundo Candia “parece case imposible que o presidente non teña presupostos, porque sabe en que termos vai ter o apoio necesario, salvo que alguén do seu grupo estea interesado en non telos”.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
O sindicato denuncia a decisión unilateral da empresa de retirar días de descanso e implantar quendas que dificultan a conciliación. As concentracións serán nos centros de traballo de Foz (Uxío Novoneira s/n) e Ribadeo (Avda. Galicia 27). Lémbrase que non é unha folga e apélase á solidariedade da plantilla para defender as condicións laborais conquistadas.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
