O Pescados Rubén Burela FS recibirá este venres o Bodegas Juan Gil Jumilla FS na novena xornada de Primeira LNFS, que chega á Bomboneira como farol vermello da clasificación. O encontro, que comezará ás 21.00 horas, poderá seguirse en directo por www.lnfsdirecto.es.
Con 9 puntos e encadeando dúas vitorias consecutivas, os de Daniel Ibañes queren dar continuidade ao seu mellor momento da tempada: “Necesitabamos este partido completo, non só pola vitoria; esta semana xa se notou moita máis alegría e tranquilidade porque xa non estamos tan apertados na clasificación e adéstrase máis a gusto. Esperamos seguir con esta boa dinámica porque agora vén un mes con moitos partidos e esperamos poder sacalos adiante” explicaba Iago Rodríguez, tendo os murcianos como antesala dunha semana con moitísimo traballo, con desprazamentos ás Canarias e Santa Coloma en liga e con partido no medio de Copa do Rei nas illas.
O Jumilla FS, con moitas caras novas, saltará á pista no fondo da táboa, con 1 punto recollido precisamente a semana pasada fronte aos canarios (2-2). O 9 mariñán admite o cartel de favorito aínda que con precaución: “Pode ser un partido trampa porque aínda que están abaixo na clasificación o ano pasado xa non deron un susto empatando aquí. É un partido no que a priori deberiamos sacar os tres puntos, na casa, pero non podemos confiarnos e debemos ir a por todas. O rival chega con certo ánimo despois do primeiro bo resultado; cando se consegue puntuar moralmente axuda moito así que virán dispostos a levar de aquí algo, pero nós debemos competir e, dada nosa maior calidade, temos que sacar o partido” advertía o lugués, satisfeito co camiño que ten encauzado o Pescados Rubén e coa responsabilidade de pichichi laranxa, con 6 dianas: “Cando se xoga contra grandes equipos, como nos pasou ao comezo, parece que as carencias se magnifican, pero agora, con rivais máis da nosa liga, estamos respondendo ben. Como a calquera xogador gústame marcar goles; no último partido anotei un, pero coma se non marcase, quédome coa imaxe que deu o equipo; estou contento porque se gaña o equipo gañamos todos”.
Iago Rodríguez teno claro. Os tres puntos quedarán mañá en Burela se foxen do nerviosismo: “Non podemos volvernos tolos; será un encontro no que teremos ocasións seguro. Con paciencia e intensidade non deberiamos sufrir, aínda que o partido nos dea as costas”, adiantaba o ala burelista de 24 anos.
“Este ano pode ser moi bonito, sempre co apoio de Vista Alegre. Imos loitar pola Copa Galicia, en Copa do Rei pelexaremos nas Canarias polas semifinais e intentaremos dar o mellor en liga; todo isto sen o respaldo da afección sería moi difícil” concluía Iago.
Xunto a Edu, na recta final da súa recuperación de xeonllo, Chano, con molestias nas últimas semanas, non entrará na convocatoria; tampouco o fará Carlitos, que xa non puido participar en Cartaxena por un golpe nun pé do que se resentiu durante o calentamiento.
Convocatoria Pescados Rubén Burela FS: 5. Iago Míguez, 7. Isi, 9. Iago Rodríguez, 10. Matamoros, 12. Petry, 13. Álex, 18. J. Bellvert, 20. Miñano, 21. Cuco, 23. Antoñito, 27. Renato, 30. Hélder
Convocatoria Bodegas Juan Gil Jumilla FS: 2. A. Sánchez, 4. Poti, 6. Pimpolho, 8. Raúl Gómez, 9. Bolívar, 10. Everton, 11. Lineker, 15. Luque, 17. Lucas, 18. Samu, 20. T. Soares, 96. Ary Neto.
Con motivo desta data tan especial, o alcalde Demetrio Salgueiro, xunto ás concelleiras Tamara Soto e Mª Dolores Meitín, visitouna para felicitala persoalmente e compartir con ela unha celebración tan emotiva. O Concello destacou a alegría e o orgullo que supón chegar ao século de vida e trasladoulle os seus parabéns, desexándolle saúde, felicidade e moitos máis anos rodeada dos seus seres queridos.
Dende as 10 da mañá máis de 170 vehículos ocuparán o aparcamento de Coto ata as 13:30, cando partirán en caravana cara Arealonga. Alí permanecerán ata as 17:00, momento no que iniciarán a ruta pola estrada das praias, regresando ás 18:30 para a entrega de premios e a clausura, prevista para as 20:30. A cita reunirá máis de 300 participantes, con presenza de persoas chegadas de Pamplona, Bilbao e doutros puntos do Estado. O evento, organizado por retroclasicos_barreiros e co apoio do Concello, continúa a atraer amantes dos vehículos clásicos e a dar visibilidade á beleza de Barreiros.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
