Santiago, 07 decembro 2016. Igualdade de dereitos nunha Unión Europea que debería ser máis xusta e solidaria. Esta foi a reivindicación conxunta que este mércores realizou no Parlamento Europeo a delegación de 65 persoas do sector cultural galego que, a iniciativa da eurodeputada Lídia Senra, se desprazou a Bruxelas co obxectivo de visibilizar a situación na que se atopa a cultura galega e expoñerlle a membros da Comisión Europea as súas demandas. Nunha rolda de prensa celebrada esta mañá dentro do Parlamento Europeo, a eurodeputada de AGEe, integrada no GUE/NGL, reivindicou o galego como pobo vivo e plural e afirmou que a cultura galega “sigue viva, a pesar da deixadez e incluso dos ataques das súas institucións, que deberían ser as primeiras na súa promoción e no apoio ao seu desenvolvemento”.
Acompañada pola cantante Uxía Senlle, polo membro da directiva de Escena Galega, Borja Salcedo, e pola escritora Chus Pato, Senra acusou ao presidente da Xunta, Alberto Núñez Feijóo, de facer leis “contra a nosa lingua” e de aplicar “políticas de austeridade que van contra a nosa cultura”, en referencia ao recorte nun 44% dos orzamentos destinados a este sector nos últimos catro anos. “Tampouco as institucións da UE están facendo nada para contribuír ao florecemento das diferentes culturas dos Estados membros e ao respecto das diversidades nacionais”, engadiu, “porque esta UE está construída en base aos Estados-nación e contra os pobos”, denunciou.
Neste sentido, Lídia Senra afirmou que “temos un Goberno do Estado que despreza, e cada vez máis, a nosa cultura porque sabe que tal e como recolle a Declaración de México, a afirmación de identidade cultural contribúe á liberación dos pobos e calquera forma de dominación nega ou deteriora dita identidade, cousa que fai o noso goberno negándose a recoñecer a realidade plurinacional do Estado”, dixo. “Tanto o Señor Feijóo como o Señor Rajoy saben que a cultura constitúe unha dimensión fundamental do proceso de desenvolvemento dos pobos e contribúe a fortalecer a independencia e a soberanía e a identidade nacional Por iso non a defenden”, engadiu.
A deputada amosou a súa intención de contribuír coas xornadas que hoxe comezaron no Parlamento Europeo á visibilización da cultura galega en todas os eidos e tamén a “reivindicar o papel das persoas traballadoras do sector e o seu dereito a vivir da súa actividade, o dereito do pobo de acceder á cultura e o enorme papel das asociación de base na defensa do patrimonio cultural e en manter viva a nosa cultura”.
Pola súa banda, Uxía Senlle, Chus Pato e Borja Salcedo leron entre os tres unha Declaración sobre a cultura galega elaborada entre toda a delegación nos días previos á visita a Bruxelas. Nela, incidiron en que “Galiza entende a cultura como aquelo que nos permite recoñecernos” e criticaron que “a UE parece ter esquecido que todo feito identitario comeza por ser cultural”. “Para iso estamos aquí, para lembrar que a cultura galega existe de par doutras e que, por esquecemento, ignorancia ou desinterese, está sendo agredida como está sendo agredida a idea dunha Europa xusta e solidaria, socialmente diversa e culturalmente equitativa”. “Esa é a Europa que Galiza reclama aquí”, dixo Borja Salcedo.
Neste sentido, Chus Pato denunciou o “constante baleirado político e económico que padecen as culturas europeas na propia Europa”. “A cultura galega, as súas institucións e manifestacións tradicionais e actuais, están sendo sometidas a un baleirado económico así como a un desprezo do seu carácter distintivo, ademais de a un preocupante desinvestimento como o que levou a cabo o Goberno galego nos últimos 4 anos”. “É un desprezo que a cultura galega non mereza a excepcionalidade cultural que a súa existencia demostra”, dixo.
Uxía Senlle, para pechar, engadiu que “a cultura galega ao igual que a lingua padecen un mesmo asedio, o asedio provocado pola inexistencia de políticas específicas coñecedoras do contexto cultural, social, económico e artístico, tendo por homoxéneas comunidades, tradicións, usos e interpretacións dos novos medios e imaxinarios colectivos que son diferenciais”. A vocalista galega defendeu a nosa cultura como unha “cultura completa, plural e madura, de fonda potencia poética, visión crítica e forza lúdica”. “A cultura galega é memoria, resistencia e contemporaneidade e está aquí para proclamar a heteroxeneidade e reclamar a igualdade efectiva dos dereitos que corresponden conforme ao Pacto Internacional de Dereitos Económicos, Sociais e Culturais asinado pola Asemblea de Nacións Unidas no 2012”. “Galiza e as traballadoras e traballadores da cultura galega, como corpo cidadán e profesional, estamos aquí na sede do Parlamento Europeo para reclamar o dereito europeo fundamental ao acceso da cidadanía europea, e polo tanto galega, á produción, oferta, diversidade, recursos e medios de expresión da cultura de forma efectiva e universal como feito constitutivo do proxecto político que nos une”, concluiu.
No acto, o autor estará acompañado por Xosé Ramón Veiga, profesor de Historia Contemporánea na USC, e por Francisco Villamil, profesor de Ciencia Política na Universidade Carlos III. A Galicia moderna (1880-1939) desmonta a visión tradicional dunha Galicia rural, atrasada e pasiva no cambio de século, e amosa a profunda transformación económica, agraria e social que viviu o país nese período.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
