O Vicepresidente e Deputado de Benestar e Igualdade, Álvaro Santos Ramos, recolleu este sábado o Premio á Iniciativa Institucional que outorga a Confederación Galega de Persoas con Discapacidade (COGAMI) e que este ano recaeu na Deputación lucense, o que converte á de Lugo no primeiro organismo provincial de Galicia en recibir este recoñecemento. Trátase dunha iniciativa que pon en valor o traballo feito pola institución lucense pola integración de persoas con discapacidade. O premio foi entregado polo Alcalde de Pontevedra, Miguel Anxo Fernández Lores.
Santos Ramos agradeceu este galardón e destacou que “dende a Deputación apostamos polas persoas, porque o concepto de igualdade é amplo pero resúmese en ser igual so por ser persoas. A riqueza dun país non se debe medir pola riqueza, nin polo PIB, senón polas condicións de vida das persoas e pola capacidade que temos para igualar a todas as persoas por arriba, non por abaixo. Queremos que as persoas con capacidades diferentes poidan optar as medidas que garantan a súa calidade de vida e benestar, para desenvolverse como calquera outro”.
Emprego inclusivo
Coa participación dos colectivos sociais da provincia de Lugo, como COGAMI, o Goberno Provincial converteu á Deputación de Lugo na primeira institución galega que puxo en marcha un plan de emprego que prima a contratación de persoas con capacidades diferentes. Trátase do Ben Empregado 3, que é máis social, pois a través desta iniciativa o Executivo lugués decidiu financiar ao 100% os custos laborais pola contratación de desempregados lucenses en risco de exclusión social (como persoas con problemas físicos ou psíquicos, entre outras) en empresas e entidades sociais da provincia. Esta programación inclúe, ademais, un Servizo de Intermediación Laboral para axudar aos traballadores a integrarse nas empresas e entidades nas que sexan contratados. A maiores, o organismo provincial sufraga o equipamento que sexa necesario para que as persoas con capacidades diferentes leven a cabo o seu traballo.
Para a súa elaboración, o Goberno da Deputación púxose en contacto cos colectivos sociais da provincia, como COGAMI, co obxectivo, entre outros, de coñecer os seus perfís laborais de cara a súa inserción laboral. Deste xeito, o organismo provincial conta con máis de 300 perfís profesionais de persoas con capacidades diferentes, que serán trasladados ás empresas e entidades beneficiarias do Ben Empregado 3co fin de facilitar a contratación destes profesionais.
O Executivo da Deputación ten en marcha nas instalacións de COGAMI en Lugo o Communitteando na provincia de Lugo. Trátase do obradoiro social de emprego xuvenil da Deputación, que ofrece formación teórica e práctica, remunerada cuns 650 euros mensuais, que é o salario mínimo interprofesional. Nel participan 15 mozos lucenses no paro, incluídos no Sistema de Garantía Xuvenil polas súas dificultades para acceder ao mercado laboral. Estanse a especializar como Community Manager e levan a cabo proxectos tecnolóxicos para favorecer o traballo de colectivos sociais.
Axudas con criterios sociais
Outras das cuestións polas que destaca o Goberno da Deputación de Lugo na defensa dos colectivos máis vulnerables e na incorporación en todas as súas convocatorias de axudas públicas de criterios sociais, precisamente, para favorecer a actividade de asociacións sociais ou, directamente, de persoas con capacidades diferentes. Son exemplo disto as subvencións de 900.000 euros de deportes e cultura.
Máis colaboracións con COGAMI
O Goberno da Deputación de Lugo colabora coa Confederación Galega de Persoas con Discapacidade a través de outras moitas programacións. Por exemplo, COGAMI reforzou os servizos que ofrecen aos seus usuarios grazas a anteriores edicións do Ben Empregado, pois contrataron un total de 5 persoas: un axudante de mantemento de xardinería, que é xordomudo; un profesor de actividade artísticas e unha auxiliar de Enfermería, ambos con discapacidade física, así como un logopeda e fisioterapeuta.
O Executivo Provincial achega anualmente a COGAMI 50.000 euros para o seu Servizo de Intermediación Laboral, co que se promove a igualdade de oportunidades no acceso ao mercado laboral das persoas con discapacidade das zonas rurais da provincia de Lugo a través do desenvolvemento de accións formativas. Grazas a esta prestación, COGAMI acadou nos últimos 3 anos unha inserción laboral de preto de 1.000 persoas con capacidades diferentes ou de difícil acceso ao mercado de traballo.
Outras axudas do Goberno da Deputación a COGAMI son, por exemplo, os 7.000 euros para financiar gastos pola rehabilitación física e emocional de persoas con capacidades diferentes que este colectivo ofrece aos seus usuarios na Mariña; 22.000 euros para o obradoiro prelaboral que se desenvolve na cidade de Lugo; ou os 5.000 euros para colaborar nos gastos de contratación dunha traballadora social en COGAMI Federación, entre outras colaboracións.
Premios COGAMI
Os premios COGAMI son os galardóns que creou a entidade para recoñecer a aquelas institucións, empresas e persoas que traballan a favor da inclusión de persoas con capacidades diferentes e que traballan por crear unha sociedade máis xusta. O Premios COGAMI 2016 foron fallados por un xurado formado polo Vicepresidente de COGAMI, Ramón Sestayo Lestón; unha das usuarias dos servizos de COGAMI, Sheila Tarela García; en representación das entidades membros de COGAMI, Rosa María Vilar Cordovês; o Presidente da Asociación AMIZADE, Paulo Fontán Torreiro: e, por último, Juana Mª Tubío Ordóñez, secretaria designada polo presidente do xurado.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
