Ribadeo, 19 de decembro de 2016.-Este domingo, 18 de decembro, inaugurouse a exposición titulada Andar cos tempos…ou de cómo cribar o gran para mañá, organizada conxuntamente polo Observatorio da Mariña pola Igualdade e o Concello de Ribadeo. Esta mostra pode visitarse na Oficina de Turismo en horario de atención ao público ata o 13 de xaneiro. Ao acto de inauguración asistiron o concelleiro de Cultura, Farruco Graña, e a concelleira de Turismo, Ana Martínez.
O concelleiro de Cultura, Farruco Graña, salientou que “comisariada por Carme Campo e Chus Caramés, esta exposición pretende facer unha reletura do baile e da música tradicional enfocado desde a perspectiva de xénero. Carme Campo e Chus Caramés son educadoras no ámbito non formal e investigadoras do noso patrimonio cultural inmaterial, ademais son mestras de baile tradicional. Ambas destacaron a súa aposta por reler a nosa música e baile tradicionais procurando detectar estereotipos sexistas para lograr superalos e manter viva a nosa tradición, pero afastada de prexuízos sexistas”.
Pola súa banda Elisa Pérez Vázquez, no nome do Observatorio da Mariña pola Igualdade, recoñeceu que “desde un primeiro momento o Observatorio atopou moi interesante unha exposición que naceu no ano 2015, no marco dos XVI Encontros de Música Tradicional de Carboeiro, e que puido ser contemplada posteriormente no Museo do Pobo Galego entre abril e maio deste ano 2016, e que formaba parte da programación do departamento de Educación e Acción Cultural de dito museo”.
Desde o Concello de Ribadeo a concelleira de Turismo, Ana Martínez, quixo destacar que “para Ribadeo é un orgullo poder apoiar iniciativas como esta que o Observatorio da Mariña pola Igualdade desenvolveu ao longo de toda a comarca, facendo da Mariña luguesa un referente para todo o país en materia de igualdade entre mulleres e homes”.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
