O Goberno da Deputación leva ao vindeiro Pleno, que terá lugar o martes 27 de decembro, novas propostas de case 300.000 euros para fomentar o emprego, os servizos sociais e as infraestruturas na provincia, en colaboración con colectivos do tecido produtivo e social lugués, así como cos Concellos.
Deste xeito, o Executivo Provincial presenta á sesión plenaria acordos para conceder unha axuda económica de 100.000 euros á Confederación de Empresarios da Provincia de Lugo (CEL) coa que contribuír á súa actividade en impulso das empresas da provincia; a Raiolas de 90.000 euros para obras na antiga gardería no Campus e transformala nun centro de día para persoas con autismo; a COGAMI de 50.000 euros para o Servizo de Intermediación Laboral a persoas con capacidades diferentes; e de 45.500 euros a 12 Concellos con produción hidroeléctrica. Son remanentes desta débeda liquidada, que o Presidente decidiu pór a disposición dos municipios para que contraten máis actuacións.
Servizo a máis de 6.000 empresas
A axuda de 100.000 euros que o Goberno da Deputación acordou conceder á CEL, que deberá ser ratificada polo Pleno para que sexa finalmente concedía, é para contribuír ao funcionamento do seu servizo de asesoramento xurídico, laboral, económico-fiscal, de internacionalización e emprendemento. A través desta prestación, a CEL atende a máis de 6.000 empresas da provincia, ademais de máis dun cento de emprendedores, pois a media anual é de 130. Deste xeito, o Executivo Provincial contribúe co impulso do tecido produtivo lugués, fomentando o emprego.
Inserción laboral de 1.000 persoas
O Goberno propón achegar 50.000 euros a COGAMI, cos que contribuír ao funcionamento do Servizo de Intermediación Laboral, que ten en marcha este colectivo co obxectivo de promover a igualdades de oportunidades no acceso ao mercado laboral. A través desta prestación nos últimos 3 anos acadouse a inserción laboral de 1.000 persoas con capacidades diferentes ou de difícil acceso ao mercado de traballo.
1º centro de día para persoas con autismo
Tras acordar en Xunta de Goberno incrementar en 20.000 euros a achega a Raiolas debido aos estragos na gardería do Campus de Lugo por mor de incendios intencionados, o Goberno da Deputación propón ao Pleno aprobar a concesión dunha axuda dun total de 90.000 euros, cos que poder financiar a transformación destas instalacións provinciais, que o Executivo Provincial xa lle cedeu gratis, no 1º centro de día da provincia para persoas con autismo.
Máis obras polo canon
Tras liquidar a débeda do canon nos últimos anos e recibir 45.528 euros procedentes de baixas en obras dalgún Concello, o Presidente decidir conceder estes remanentes aos municipios nos que se deu esta situación. Trátanse de Carballedo (0,51 euros); A Fonsagrada-Negueira de Muñiz (12.393 euros); Guntín (1.931 euros); Monforte de Lemos (7.497 euros); A Pobra do Brollón (339 euros); Portomarín (2.864 euros); Quiroga (9.855 euros); Ribas do Sil (4.543 euros); O Saviñao (502 euros); Sober (1.250 euros) e Taboada (4.349 euros).
Campos Conde busca conceder este investimento a ditos Concellos para que sexan eles mesmos os que contraten máis actuacións en base as súas necesidades e non o faga a Deputación, axilizando deste xeito os procedementos administrativos en beneficio dos veciños. Algún municipio xa trasladou ao Executivo Provincial os traballos que vai a levar a cabo con este novo orzamento: Pobra do Brollón destinará a partida á adquisición de 11 contadores de auga; Sober á compra de mobiliario urbano; Quiroga á rexeneración do acceso a Lamas e Xestoso de Lor; Monforte de Lemos executará melloras en 5 vías urbanas; e Negueira de Muñiz comprará maquinaria.
A celebración está organizada pola asociación cultural Ourofest coa colaboración do Concello do Valadouro e conta co apoio do Goberno galego. Villares participou na celebración litúrxica, que contou coa actuación do coro da Escola de Música ‘Ao Compás do Río Ouro’, e compartiu coa veciñanza esta xornada festiva de especial arraigo na localidade.
Nesta ocasión, a homenaxeada foi a de Román. Tras unha recepción ás portas do concello, a veciñanza da parroquia desprazouse a pé ata a Igrexa de Santa María co grupo tradicional Cerna de Árbol. Na misa, cantada pola Coral Polifónica Vilalbesa, realizáronse as ofrendas e púxose en valor a tradición “dos canteiros e os traballos en pedra” en Román, unha parroquia cun destacado patrimonio histórico e cultural. Tras a celebración na igrexa, os veciños e veciñas de Román compartiron uns pinchos de fraternidade no Centro Cultural.
O corte afectará ao tramo que vai desde o principio da vía ata o punto quilométrico 0,900. Para facilitar a execución das obras, será necesario que non haxa vehículos estacionados nese treito. Os traballos, executados pola empresa Jose No Mantiñan E Hijos Construcciones, S.A., forman parte dun proxecto conxunto para a mellora e acondicionamento de varias estradas provinciais no municipio de Xove, cun investimento total superior aos 800.000 euros.
Daniel García reafirmou o apoio ao festival, que conta cunha colaboración estable e continuada da Vicepresidencia provincial desde a primeira edición e valorou "o impulso que a Asociación Fanto Fantini lle dá ano a ano ao festival, cun programa que vai máis alá do cartel musical e que profundiza na súa identificación e o seu vínculo con Burela e coa Mariña". A Vicepresidencia da Deputación achega 25.000 euros ao patricinio desta edición do Osa do Mar.
Presidenta e xerente, Carmen Cruzado e Jesús Pérez, acudiron ao Teatro a escoitar a Pepe Conde, quen fora xefe do servizo de cirurxía do HULA e persoa moi vinculada a esta vila por motivos familiares. Co seu pregón arrincaron varios días festexos que rematarán o vindeiro martes, día da patroa. Cruzado e Pérez departiron cos responsables da comisión das festas minutos antes do inicio do pregón.
No acto tamén estivo o presidente de ACRUGA, César Dorado Pin, e outras autoridades. López destacou a importancia do certame e entregou os trofeos. A Granxa Gayoso Castro, situada en Castro de Rei, é un referente provincial pola súa labor de formación, investigación e apoio á recría de Rubia Galega en colaboración coa USC e ACRUGA.
A sesión incluirá a proxección da peza, de 27 minutos de duración, e un coloquio con Ugía Pedreira sobre música, saúde e outros temas. A obra forma parte da selección oficial do Barcelona Indie Filmmakers Festival (BARCIF) 2025 e a actividade está promovida por A Pomba do Arco.
