RIBADEO (FNC) .- A xunta de portavoces acordou destinar o 20% do Fondo Estatal para o emprego e a sostibilidade local en 2010 a gasto corrente, e o resto a investimentos en diferentes obras tanto na vila como nas parroquias de Ribadeo.
Fernando Suárez dixo que “cun ambiente sumamente constructivo levamos adiante esta xunta de portavoces para estudiar o gasto que temos que facer do Fondo Estatal para o emprego e a sostibilidade local para o ano 2010, e desde logo os portavoces estivemos á altura das circunstancias. Acordamos entre todos que o 20%, a contía máxima que o Estado ofrece, se poida destinar a gasto corrente en materia de educación, de atención ás persoas en situación de dependencia e tamén aos derivados das prestacións de servizos sociais, promoción e reinserción social. Ao mesmo tempo acordamos, igual que o ano anterior, tentar dividir a metade desta inversión restante entre a vila e o campo. Despois dunha serie de propostas de todos os grupos, nas que prácticamente uns podemos asumir as dos outros porque todas son necesarias e a pena é que só teñamos os cartos que temos e que non teñemos moito máis para levalas todas elas adiante”.
O alcalde relatou que “todos entendemos prioritarias unha serie de obras e agora serán os técnicos os que as teñan que valorar, dado que quizáis nin todas estas poidan entrar. A idea que temos é facer un saneamento do polígono industrial, é dicir a extensión de dito saneamento ata a conexión co colector que vai á nova depuradora de Vilaselán, que era algo que todavía estaba pendente; vaise intentar colocar un ascensor na Casa Consistorial; e logo tamén no Hospital Asilo imos instalar un grupo electróxeno. Xa nas parroquias haberá unha extensión do saneamento do barrio da Igrexa na parroquia de Piñeira ata o colector principal; colocaranse depuradoras en Porto de Abaixo e máis en Vilela; instalaranse marquesiñas para o transporte nas parroquias e tamén se acondicionarán as áreas recreativas de Vilaosende e Vilaselán. Finalmente na parte urbana da vila de Ribadeo arranxarase a oficina de turismo vella; haberá un proxecto de aforro enerxético do alumeado público das rúas da travesía; faranse uns arranxos no campo de fútbol que contemplan a instalación de paneis solares para auga quente e haberá melloras nos alumeados, nos baños e nos vestiarios e tamén haberá unha serie de arranxos no parque de San Francisco”.
Suárez Barcia entende que “quizáis todo esto sexa demasiado e teñamos que recortar proxectos. Senón fose así, entre os diferentes grupos pactaríamos unha serie de novas obras e actuacións para o noso Concello co cargo a estes fondos estatais que se aplicarán no ano 2010”.
A xunta de portavoces de Ribadeo acordou destinar o 20 por cento do plan E-2010 a gasto corrente
Relacionado
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
