Santiago, 23 de xaneiro de 2017.- A Xunta celebrou hoxe en Santiago, na sede da Axencia Galega de Innovación (Gain), o III Workshop do polo tecnolóxico e industrial de Rozas, no que se presentaron as ideas seleccionadas que se impulsarán a través das sete primeiras licitacións da segunda fase do proxecto e que, cunha inversión de 14 millóns de euros, se centrarán en mellorar, a través do emprego de vehículos non tripulados, a xestión e control de tres ámbitos socioeconómicos estratéxicos para Galicia: os recursos acuáticos, o territorio e o tráfico aéreo.
Durante o encontro, ao que asistiu o vicepresidente da Xunta, Alfonso Rueda, acompañado dos conselleiros de Economía, Emprego e Industria, Francisco Conde, de Medio Ambiente e Ordenación do Territorio, Beatriz Mato, e do Medio Rural, Ángeles Vázquez, avaliáronse os avances logrados neste proxecto chamado a ser o novo referente industrial de Galicia en materia de innovación. Ante preto de 300 representantes do ámbito empresarial, social e universitario, na presentación tamén participou o director xeral do Instituto Nacional de Técnicas Aeronáuticas (Inta) do Ministerio de Defensa, Ignacio Azqueta.
O vicepresidente da Xunta, Alfonso Rueda, destacou que o compromiso da Xunta co polo tecnolóxico e industrial de Rozas, que conta cun investimento total de 150 millóns de euros, supón unha aposta polo incremento da competitividade con base na innovación, a creación de emprego estable, a atracción de capital privado a Galicia, o desenvolvemento do sector aeronáutico galego e de cadeas industriais na área de influencia, a promoción do traballo que realizan as universidades e centros tecnolóxicos con sede en Galicia, e pola capacidade da comunidade de exportar tecnoloxía punteira.
O conselleiro de Economía, Emprego e Industria, Francisco Conde, sinalou que a Xunta, a través dun traballo conxunto das diferentes consellerías e baixo o obxectivo común de “prestar mellores servizos aos cidadáns”, definiu as primeiras solucións tecnolóxicas que se porán en marcha no polo de Rozas. Neste sentido, impulsará un sector que será a panca de cambio cara unha economía onde a clave sexa a aposta polo coñecemento.
Tras abrir un período de consulta para coñecer as propostas do mercado e no que se presentaron preto de 150 ideas, das que 104 corresponden a empresas e entidades galegas, Conde explicou que nesta segunda fase de Rozas, denominada Fase de Solucións, sacaranse a concurso os primeiros sete proxectos.
Con estas licitacións, a Xunta empeza a executar o convenio firmado co Ministerio de Industria, Economía y Competitividad para desenvolver a Fase de Solucións, que conta cun investimento global de 24 millóns de euros, dos que 14 millóns se destinarán ao financiamento destas sete primeiras solucións.
En concreto, para mellorar a xestión eficiente dos recursos mariños, licitaranse dúas iniciativas que, mediante o uso de sistemas non tripulados, melloren a seguridade marítima e laboral da pesca de baixura, e faciliten o control de calidade da auga tanto no mar como nos ríos galegos.
A nivel de ordenación do territorio, nestas primeiras licitacións tramitaranse catro propostas que, desde o polo tecnolóxico e industrial de Rozas, buscarán optimizar o control dos recursos forestais a través da realización de mapas; dar un salto cualitativo para automatizar a obtención de cartografía e topografía; mellorar a planificación do territorio a través dos datos sobre ocupación de solo; e aproveitar as vantaxes do Big Data para contar cun sistema de xestión de toda a información que proporcionen os vehículos non tripulados. A maiores, sacarase a concurso un sétimo proxecto que permitirá á Xunta contar coa tecnoloxía máis avanzada á hora do control do tráfico aéreo.
Oportunidades para as pemes e centros tecnolóxicos galegos
Na liña marcada na Estratexia de Especialización Intelixente de Galicia (RIS3) e na Axenda de Competividade Galicia-Industria 4.0, esta Fase de Solucións de Rozas facilitará a participación das pemes e dos centros tecnolóxicos e de investigación galegos, pois terán a posibilidade de formar consorcios para presentar ás licitacións. Desta maneira, ábrese unha ventá de oportunidades tanto para as empresas aeronáuticas como para pemes doutros sectores estratéxicos para Galicia, como o naval, a automoción e as TIC.
O conselleiro de Economía, Emprego e Industria tamén explicou que esta Fase de Solucións se desenvolve de maneira paralela ao resto de iniciativas que se están a impulsar no polo tecnolóxico e industrial de Rozas: desde as infraestruturas, coa adecuación do aeródromo por parte do Inta; ata a industria, cos dous centros tecnolóxicos de Indra e Inaer, os dous socios da Xunta neste proxecto que implantarán seis novas empresas relacionadas co sector en Galicia e contarán coa colaboración de 18 empresas, as tres universidades e 10 centros de coñecemento galegos.
“Rozas é unha oportunidade para construír entre todos o novo corazón industrial de Galicia; unha oportunidade para captar novas inversións e o talento máis innovador, coas nosas universidades e centros tecnolóxicos como asociados; e unha oportunidade para seguir creando emprego de calidade”, afirmou o conselleiro.
Asociación para a Innovación
Conde destacou que Rozas situará a Galicia non só como pioneira no sector dos vehículos non tripulados, senón tamén na tramitación dos procesos de contratación dos servizos, tendo en conta as necesidades reais dos cidadáns e o que poden ofrecer desde o propio mercado.
Así, ademais da compra pública innovadora e a precomercial, a Xunta engade nestas licitacións unha terceira ferramenta: a Asociación para a Innovación, o que permite traballar a empresas e administracións de maneira coordinada tanto no deseño e creación dos servizos solicitados como na súa posterior venda no mercado.
O mapa destes sete futuros servizos que se desenvolverán en Rozas publicaranse hoxe na web de Gain e abrirase un período de consulta pública no que poden participar as preto de 150 empresas que presentaron proposta. A continuación, a Xunta concretará as especificacións funcionais dos novos proxectos.
O lume iniciouse ás 14.51 horas e para a súa extinción mobilizáronse, polo de agora, 2 técnicos, 7 axentes, 11 brigadas, 12 motobombas, 1 pa, 5 helicópteros e 7 avións.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
