Foz 11-2-17. Na tarde deste pasado venres, visitou Foz o líder de En Marea Luis Villares, na súa visita por Foz estivo acompañado polos Concelleiros de “Foz,Plataforma de Futuro” e representantes da Plataforma.
Durante o seu percorrido por Foz, a primeira parada a fixo no porto, onde se reuniu cos colectivos afectados polo mal funcionamento destas instalacións, que reivindican a dragaxe urxente das dúas dársenas e construción de novos pantaláns, estiveron presentes a Cofradía de pescadores de Foz,Club Náutico de Foz,e Asociación A Ribeira.
A continuación desprazáronse ó Centro de Saúde da nosa localidade, ónde se lle trasladaron todas as deficiencias que a día de hoxe existen como pode ser que non se cobren as baixas médicas,os problemas que orixinan a redución de xornada de pediatría ou a falta de médico de urxencias polas tardes.
No seu percorrido polo noso Concello a seguinte parada foi na nova residencia de anciáns e Centro de día, onde se lle reclamou que a día de hoxe con todo o equipamento feito, aínda segue sen producirse o traslado ó novo Centro dos residentes como obxectivo primordial para que poidan estar mais cómodos e en mellores condicións.
Así mesmo ó final da súa visita os membros de “Foz,Plataforma de Futuro” lle fixeron entrega a Luis Villares dun documento cunha serie de reclamacións que esta formación xa levou a Pleno nalgunha ocasión sendo aprobadas, así como novas reclamacións que entendemos son moi necesarias para o desenrolo do noso Concello, nos que a Xunta de Galicia ten totais competencias.
RECLAMACIÓNS PARA O NOSO CONCELLO:
-Melloras das infrastructuras do noso porto pesqueiro e porto deportivo,con necesidade de mais calado e mais amarres, como lle transmitiron as distintas asociacións coas que mantivo unha xuntanza.
-Melloras do Centro de Saúde de Foz.
-Axilizar os trámites para a apertura da nova residencia de maiores e centro de día rematada e equipada.
-Axilizar os trámites para a construción da nova EDAR.
-Maior dotación económica para a reforma integral da Avda. Da Mariña para que a reforma que se leve a cabo non sexa unha simple chapuza, e se poida renovar a rede de auga potable,rede de saneamento e se conecten todas as saídas de augas pluviais a rede xeral.
-Dotación económica por parte da Xunta de Galicia para rematar o saneamento naquelas parroquias da nosa Vila onde aínda non o hai ó 100%, como son en Sta Cecilia e San Acisclo.
-Pronunciamento da Xunta de Galicia sobre a petición mediante moción en Pleno,sobre actuacións de mellora nun espazo público en San Acisclo, na zoa que une as estradas de titularidade da Xunta de Galicia LU-152 e LU-151, para use e disfrute dos veciños e veciñas desta parroquia, si a Xunta non adquire o compromiso de efectuar as obras que ceda os terreos ó Concello de Foz.
-Mellora da estrada LU-151 que une San Acisclo con Fazouro, con moita necesidade e nun estado moi perigoso.
-Mellora do enlace de saída e entrada entre a estrada pertencente á Xunta de Galicia LU-152 e a N-642 (Cruce dos Camioneros)
-Mellora da oferta educativa do IES de Foz coa implantación dos ciclos superiores de “Dirección de Servizos de Restauración” e ciclo superior de “Marketing e Publicidade”
-Construción Auditorio como a Mariña se merece e en Foz sería un lugar céntrico e nos non dispoñemos de nada parecido e contamos con terreos.
Dende “Foz,Plataforma de Futuro” queremos agradecer a Luis Villares e ó grupo En Marea, a súa boa disposición para esta visita, e o seu trato nas distantas reunións que mantivemos ó longo da tarde.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
O sindicato denuncia a decisión unilateral da empresa de retirar días de descanso e implantar quendas que dificultan a conciliación. As concentracións serán nos centros de traballo de Foz (Uxío Novoneira s/n) e Ribadeo (Avda. Galicia 27). Lémbrase que non é unha folga e apélase á solidariedade da plantilla para defender as condicións laborais conquistadas.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas deste martes, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
