Burela 11-3-17.O Pescados Rubén Burela FS recuperou esta tarde a senda da vitoria logo de tres xornadas pouco frutíferas; sumou tres novos puntos na súa cuarta praza en casa do UCAM Murcia, nunha tarde de goles con tira e afrouxa en ambas as porterías (4-5).
As laranxas axiña neutralizaron e tomaron a iniciativa, tras a rápida vantaxe das locais, con 0-1, xa no minuto 2 de Cristina en parede con Noelia. En pouco máis dun minuto, Dany, asistida por Shiori, e Cilene, dun mísil fóra da área, facíanse donas dun luminoso de continuas idas e voltas no José María Cagigal. A pase de Judith, Elvira, no ecuador do primeiro acto, ampliou para as mariñás, tras o tanto de Carla (minuto 8) desde saque de banda. As de Lucas e Julio Delgado volveron dar un golpe de autoridade, nas zapatillas de Silvia a falta de 2 minutos para o descanso, pero o UCAM non quixo deixar escapar o Pescados Rubén; nos últimos segundos, Carla reduciu ao 3-4, desde saque de banda.
Os primeiros compases do segundo tempo seguiron o guión inicial, con acerto finalizador das locais, subindo de novo o empate, desde falta ao bordo da área. O Burela FS volveu tirar de caste para o 4-5, da maxistral Cilene, desde os doce metros. A seriedade defensiva mantivo as burelistas coa renda a recado, facendo fronte ademais ao xogo de cinco das murcianas na recta final.
Ficha técnica
UCAM Murcia FSF: Ire, Rocío, Cristina, Noelia Montoro, Claudia, cinco inicial; tamén xogaron Carla, S.Santos, Merche, J. Weckelle
Pescados Rubén-Burela FS: Jozi, Dany, Cilene, Shiori, Elvira, cinco inicial; tamén xogaron Silvia, Bea Mateos, Judith, Sofía, Cristina
Goles: 1-0, minuto 2, Cristina; 1-1, minuto 3, Dany; 1-2, minuto 4, Cilene; 2-2, minuto 7, Carla; 2-3, minuto 10, Elvira; 2-4, minuto 18, Silvia; 3-4, minuto 19, Carla; 4-4, minuto 22, Noelia; 4-5, minuto 27, Cilene
Árbitros: José Javier Navarro e José Ramón San Bartolomé do colexio murciano. Amoestaron con cartolina amarela a Silvia e Bea Mateos no Pescados Rubén Burela e a Noelia na UCAM.
Incidencias: Partido da 20ª xornada de Primeira División RFEF no pavillón José María Cagigal.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
