Burela, 13 de marzo de 2017. Esta mañá deron comezo os traballos de repintado da sinalización horizontal na rúa Eijo Garay, en Burela, tal e como estaba previsto e como anunciara a semana pasada o concelleiro de Obras, Ramiro Fernández Rey. A obra está incluída no POS do pasado ano e suporá un investimento duns 45.000 euros.
O edil socialista contou que “estes traballos seguirán tamén durante a tarde en Eijo Garay e mañá continuarán por Rosalía de Castro, polo que xa lles pedimos aos veciños que non aparquen nesa zona desde cedo na xornada do martes. Estas tarefas de repintado da sinalización horizontal van estar moi condicionadas polo tempo que teñamos estes días”.
Ramiro Fernández Rey sinalou que “logo seguirán por Pardo Bazán e por outras rúas céntricas de Burela para estenderse despois a outros puntos da localidade. Vanse pintar os pasos de peóns, as prazas de aparcamento e as zonas de carga e descarga, entre outras. Haberá momentos nos que se teñan que pechar ao tráfico rodado as rúas nas que se estea a actuar, polo que xa pedimos desculpas de antemán polas molestias que se poidan ocasionar”.
O concelleiro de Obras pide que “se faga caso á sinalización vertical e informativa que atoparán nas rúas afectadas para que a ninguén lle collan por sorpresa estas obras”.
Fernández Rey supervisou esta mañá os traballos iniciados na rúa Eijo Garay.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
