Lugo, 29 de marzo de 2017.- Ao longo de 2016 recicláronse na comarca da Mariña 1.745 toneladas de residuos de envases de vidro, o que supón un incremento do 17% con respecto ao ano anterior.
Isto supón unha media de 24 quilos de vidro reciclado por habitante, e se ben hai que ter en conta o peso do turismo nese dato -a suma de poboación flotante no verán-, o certo é que os concellos da comarca asumen máis da terceira parte dos envases que se reciclan na provincia, o 36,3% das 4.804 toneladas que rexistra o conxunto de Lugo.
O delegado territorial da Xunta, José Manuel Balseiro, deu a coñecer estes datos e salientou os extraordinarios resultados que presenta a comarca, que supera a media provincial e mesmo galega tanto no que respecta ás cifras de recollida por persoa como ao incremento respecto ao 2015.
A ratio de contenerización na comarca é dun contedor por cada 134 habitantes, un dato superior á media provincial (1/156 habitantes) e tamén galega (1/185 habitantes) e nacional (1/220 hab).
O delegado salientou que esta evolución positiva é froito dun esforzo conxunto da sociedade, “que se amosa cada vez máis concienciada da necesidade de camiñar cara a un futuro sostible dende o punto de vista ambiental e económico”.
Cómpre lembrar que na actualidade, todos os concellos galegos están adheridos ao Convenio marco asinado no 2013 entre a Consellería de Medio Ambiente e Ordenación do Territorio e Ecovidrio, entidade sen ánimo de lucro que xestiona o proceso. Durante aquel exercicio recolléronse na provincia lucense 4.121 toneladas de vidro, o que significa que nas tres anualidades seguintes experimentamos un incremento na taxa de reciclaxe do 16,5%.
O delegado territorial lembrou que a reciclaxe de vidro é un elemento clave na loita polo cambio climático. Neste sentido, explicou que no conxunto da Comunidade Autónoma os galegos depositaron nos contedores verdes máis de 157 millóns de envases de vidro o pasado ano. Con este dato, lograron:
– Minimizar a emisión de 27.000 toneladas de CO2, o que equivale a retirar 6.700 coches da estrada durante un ano.
– Evitar a extracción de 49.500 toneladas de materias primas, o que representa cinco veces o peso da torre Eiffel.
– Un aforro de 91.600 MWh de enerxía.
Estes resultados son unha gran noticia para a sociedade galega, que consolida un hábito sustentable e responsable e, por encima de todo, para o medio ambiente e a loita contra o cambio climático. As cifras demostran a eficacia do modelo colector, pero pese ao positivo dos datos, a Consellería de Medio Ambiente e Ordenación do Territorio, traballa xa na maneira de incrementar aínda máis estas cifras no presente exercicio 2017 pois o obxectivo é seguir medrando, avanzando cara unha sociedade na que prime a economía circular.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
