Nota de Prensa
O BNG DE BURELA CONSIDERA UNHA DESVERGOÑA QUE O PP SUPLANTE AO GOBERNO DE TODOS OS GALEGOS E GALEGAS PARA ANUNCIAR OBRAS XA COMPROMETIDAS POLO GOBERNO ANTERIOR QUE ESTIVERON PARALIZADAS POR FALTA DE XESTIÓN DO GOBERNO ACTUAL
É certo que foi un goberno do PP o que construíu a escola Infantil de Burela. É tamén certo que ao pouco tempo a escola xa tiñas importantes deficiencias de seguridade e de humidade. É tamén certa a irresponsabilidade do SR. Barcia, que como alcalde pretendía que se abrise a ampliación da escola sen preocuparlle se cumpría cunhas mínimas e axeitadas medidas de seguridade.
É tamén certo que o PP nalgúns concellos fixo garderías (nunca escolas infantís) costeando o 100% das obras e asumindo a xestión pública das mesmas, mentres que en Burela subvencionaron tan só unha parte e non quixeron saber nada da xestión.
É verdade tamén que privatizaron a xestión da “gardería” e que pagaban tarde e mal aos encargados da xestión da mesma.
Tamén é real que as familias co PP tiñan que pagar a práctica totalidade do servizo de comedor e transporte.
Ante todos estes despropósitos o BNG dende o goberno da Xunta , creou o Consorcio Galego de Servizos Sociais e mudou as prácticas nefastas do PP asumindo a xestión pública destes centros educativos e tratando a todos os concellos en condicións de igualdade á hora de financiar a construción e xestión destes centros educativos.
No caso concreto de Burela, o goberno anterior mellorou notablemente a Escola Infantil, as súas condicións de seguridade, aumentouse o persoal, os horarios e os servizos complementarios, reducindo considerablemente as aportacións económicas que tiñan que realizar as familias por estes servizos e ao mesmo tempo melloráronse as condicións laborais e económicas do persoal educativo do centro.
Para resolver as deficiencias herdadas do goberno do PP (humidades escandalosas e outras) estaba xa realizado o proxecto de mellora e comprometida a financiación, estando previsto acometer as obras durante o verán pasado para deste xeito non entorpecer o curso.
Coa chegada do Sr. Feijoo ao goberno paralizan e ralentizan as obras, volven a encargar outro estudio, perdendo tempo e diñeiro, e agora, con varios meses de retraso anuncian a obra con total desvergoña, e non o anuncia o goberno senón o propio PP de Burela. Como podemos observar fano tarde, mal e mentindo coma sempre e o que é peor prexudicando gravemente ás familias usuarias da escola que se verán afectadas como consecuencia da realización das obras en pleno curso escolar.
Non hai polo tanto nada novo, nada que non estivera previsto. O que hai son retrasos neglixentes, cinismo e falacias permanentes para ocultar o incumprimento das súas demagóxicas promesas como a falta de investimento para unha nova escola Infantil prometida polo incontinente deputado popular Sr. Balseiro. Unha vez máis demóstrase que a Burela vaille moito peor co goberno do PP na Xunta de Galicia.
Nesta ocasión participará Susana Vázquez Fernández, coach de saúde emocional e facilitadora en procesos de duelo e perda, que impartirá o faladoiro “Xestión do ánimo”, centrado en técnicas de relaxación, pensamento positivo e coidado da saúde mental para mellorar o benestar emocional. A actividade está aberta á veciñanza e busca crear un espazo para compartir, aprender e coidarse en comunidade. Conta co apoio e colaboración da Asociación de Xubilados Terramar.
Será este xoves, día 14 de maio, ás 19:00 horas no salón de actos do Concello. O mago Pedro Bugarín presentará o seu espectáculo titulado Galicia con maxia. Para esta actividade o Concello de Lourenzá conta coa colaboración da Deputación de Lugo.
O mozo ciclista continúa a demostrar o gran nivel desta tempada, na que suma xa un primeiro posto e un terceiro nas últimas probas das Escolas de Ciclismo da Federación Galega. Uns resultados que reflicten o seu esforzo, constancia e paixón polo deporte. O Concello tamén quixo poñer en valor o traballo do club Medela MTB, pola súa aposta pola formación e polo deporte base, acompañando aos máis novos no seu crecemento deportivo e persoal. Desde Cervo trasladan os parabéns a Mateo e á familia Medela, e destacan o orgullo polos éxitos e pola excelente tempada que están a realizar.
Durante a súa intervención, Xosé Merelles destacou a capacidade da romaría para conservar viva unha tradición transmitida de xeración en xeración e profundamente vinculada á identidade da comarca. Xosé Merelles puxo en valor o papel da Romaría do Bispo Santo como exemplo do turismo cultural e espiritual que promove Galicia, baseado na autenticidade, na conservación das tradicións e no patrimonio inmaterial.
O encontro incluíu sesión vermú amenizada polo Dúo The Poker e unha comida popular con empanada, embutido, croquetas, xamón cocido, tenreira asada e sobremesa. Pola tarde continuou a música e realizáronse sorteos de agasallos achegados polas asociacións colaboradoras. A iniciativa foi organizada pola Asociación O Castelo, en colaboración coas asociacións parroquiais e o Concello de Alfoz, que agradeceron a ampla participación. Durante a xornada tamén houbo un momento de lembranza para Jorge Val, exalcalde falecido hai un ano, destacando o apoio que brindou ás asociacións locais.
Unha actividade organizada pola Asociación Cultural pensada para promocionar os produtos de proximidade e da artesáns, nun ambiente lúdico e festivo. Produtos de horta, conservas, mel, requeixo, plantas ornamentais ou bisuteria son algúns dos produtos que se podían encontrar no mercado, que contou tamén con outras actividades como bautismos hípicos. A Vicepresidencia da Deputación colaborou un ano máis na programación do mercado cun obradoiro de coiro e animación musical.
A Deputada de Muller e Igualdade, Marisol Morandeira, participou este sábado na inauguración, onde destacou o valor desta iniciativa que leva “máis de vinte anos unindo ás persoas arredor do coñecemento, da experiencia compartida e do orgullo polo rural”.
