O Concello de Viveiro vén de recibir a clasificación sanitaria final das zonas de baño correspondentes á temporada 2016

Viveiro 3-5-17. O Concello de Viveiro vén de recibir a clasificación sanitaria final das zonas de baño correspondentes á temporada 2016; neste documento, remitido pola Xefatura Territorial da Consellería de Sanidade, consta que a clasificación sanitaria de todos os puntos de mostraxe das zonas de baño deste municipio é EXCELENTE. É preciso destacar a importancia destes resultados tendo en conta que non se obtiña a máxima clasificación para todos os puntos de mostraxe dende 2010, xa que tanto Sacido como a marxe esquerda da praia de Covas viñan recibindo nestes anos a clasificación sanitaria de BOA.

Esta clasificación faise en base aos resultados das analíticas das últimas catro temporadas de baño e será a clasificación vixente durante a temporada 2017.

Dendo o Concello de Viveiro considérase que esta é unha excelente noticia e unha garantía para os miles e miles de veciños e visitantes que, cada ano, disfrutan da calidade dos nosos areais.