A Mariña 1-6-17. O pasado 24 de maio celebrouse a IV Xornada de adolescentes ALDEAS INFANTILES SOS, que culminou un curso de traballo co tema “El respeto y la convivencia, contra el acoso escolar”, no programa didáctico “Párate a pensar”, onde plantean 50 actividades que abordan maneiras de formar a personalidade adolescente e potenciar a súa autoestima, as relacións cos seus compañeiros e a familia e de promover o esforzo e a participación social por un mundo máis xusto e solidario. Este programa pretende potenciar o pensamento crítico, a sensibilidade cara o resto de persoas e a construcción dunha sociedade mellor, para superar con nota unha etapa complexa que dará paso a un xove adulto preparado emocionalmente e consciente do seu papel no mundo.
A Xornada comezou coa recepción dos 17 representantes de cada Comunidade Autónoma (un alumno/a e o seu profesor/a) e logo dunhas palabras de distintos representantes da Asociación visionouse a curta de Icíar Bollaín “1, 2, 3… casa” sobre o que é e o que representa ALDEAS INFANTILES SOS en España.
Deseguido o alumnado repartiuse nos 3 grupos de traballo e o resto do profesorado participou nunha charla sobre as experiencias ao longo do curso co material e cos grupos de clase. Logo de xantar presentáronse as conclusións coa análise de cada grupo, momento no que o alumnado demostrou a profundidade do seu traballo e a sinceridade e coherencia das súas ideas así como un sesuso esforzo de realismo crítico e conciencia social. Unha expresión da súa forza e determinación por progresar nun mundo máis xusto, tolerante e decidido. A xornada rematou coa redacción e publicación das conclusións.
Particularmente a experiencia, como alumna e profesor do noso IES, pareceunos única e profundamente enriquecedora. Desde as distintas materias nas que se reparte a Filosofía na Educación Secundaria sempre traballamos a prol dos valores máis clásicos e fundamentais da sociedade, e, axudados por Asociacións como Solidariedade Internacional de Galicia, UNICEF, Intermon, Aldeas Infantiles, … queremos achegar o noso alumnado á verdadeira realidade social que nos rodea, fuxindo da armadura burocrática e encorsetada que nos últimos anos intentan impoñer no eido educativo, e máis en concreto na Filosofía. Queremos que o noso alumnado sexa consciente de que os valores de respecto, tolerancia, xustiza, responsabilidade,… están por encima do criterio do útil co que pretenden teñir todos os estamentos o tecido social e educativo, esquecendo por tanto a verdadeira razón da educación primaria e/ou secundaria: formar persoas.
Que asociacións como as mencionadas poñan ao noso alcance material, experiencias, entrevistas, oportunidades de compartir con protagonistas sociais temas de actualidade permite que o noso alumnado creza e madure nun perfil real e á vez tolerante con outras culturas, comprensivo con outras nacións, e unido a calquera outro tipo de ser humano que nos poidamos atopar ao longo das nosa vidas. Sin estas motivacións quedaremos sempre no kilómetro 0 do longo camino da vida, e cun suspenso irrecuperable no noso curriculum educativo.
No acto, o autor estará acompañado por Xosé Ramón Veiga, profesor de Historia Contemporánea na USC, e por Francisco Villamil, profesor de Ciencia Política na Universidade Carlos III. A Galicia moderna (1880-1939) desmonta a visión tradicional dunha Galicia rural, atrasada e pasiva no cambio de século, e amosa a profunda transformación económica, agraria e social que viviu o país nese período.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
