Ribadeo 9-6-17. O pasado 20 de abril a Audiencia Provincial de Lugo procedeu a revocar o Auto dictado polo Xulgado nº 2 de Lugo, en data 11/01/2017, contra Ramón Fraga Martínez, tesoureiro da actual Xunta Directiva do Real Club Náutico de Ribadeo, acordando o sobreseimento e arquivo da causa.
O Xulgado de Instrucción nº 2 de Lugo ditaba a apertura de xuízo oral contra Ramón Fraga Martínez, o pasado mes de marzo, por falso testemuño no marco da vista celebrada en xullo de 2015 en Lugo polos litixios que a entidade mantén coa anterior directiva.
Segundo recolle o Auto da Audiencia Provincial de Lugo, “as disparidades coa realidade que se imputaban ao querellado, Ramón Fraga, non gardan relación coa esencia do obxecto do procedemento no que foron emitidas”. Neste contexto, cabe subliñar que para que unha declaración sexa falsa, requiere que exista unha contradicción entre o declarado e a realidade, sen que baste a mera existencia de discrepancias entre opinións. Por tanto, “a consideración de enemistade que se imputaba non pode derivarse, sen máis, da presentación de querellas de varias personas contra outras e referidas ao comportamento dunha directiva respecto da anterior”.
Pola sua banda, “o feito de que o regulamento ou os estatutos foran modificados no momento previo á incoación do expediente disciplinario tampouco garda relación esencial co procedemento onde depuxo Ramón Fraga pois, en todo caso, o regulamento non sufriu variación algunha e era o que rexía o tema disciplinario”. Outro tanto cabe dicir ao respecto do número de personas ás que afectou. Por tanto, “a falta de precisión, que non falso testemuño, resultaría en todo caso inocua aos fins do sinalado pleito”.
No relativo á situación na que se atopara a embarcación LY no período no que estivera no pantalán e, tempo depois, na marina seca, “tampouco se pode atribuír transcendencia ao momento previo e no que o querellado non tiña responsabilidades directivas”.
En consecuencia a Sala considera que o querellado, Ramón Fraga, non merece sanción penal algunha e, por tanto, acorda o sobreseimiento da causa.
A actual xunta directiva do Real Club Náutico de Ribadeo segue a traballar pola transparencia na xestión da entidade, a ampliación de servizos aos socios/as así como a promoción dos deportes náuticos.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
O sindicato denuncia a decisión unilateral da empresa de retirar días de descanso e implantar quendas que dificultan a conciliación. As concentracións serán nos centros de traballo de Foz (Uxío Novoneira s/n) e Ribadeo (Avda. Galicia 27). Lémbrase que non é unha folga e apélase á solidariedade da plantilla para defender as condicións laborais conquistadas.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas deste martes, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
