Lugo 16-6-17. O voceiro do Executivo da Deputación, Álvaro Santos Ramos, informou este venres sobre a aprobación na Xunta de Goberno do inicio da contratación de melloras por valor de máis de 1,5 millóns de euros en 20 quilómetros de 4 estradas provinciais, que discorren polos Concellos de Cervantes, Friol, Baralla, Becerreá, Castro de Rei e Pol.
Estas son as seguintes:
– LU-P-0702, de Becerreá a Navia por San Román de Cervantes. O Goberno da Deputación achega 800.000 para o acondicionamento de 10 quilómetros en 3 treitos: dende o quilómetro 0 ao 3, do 10.600 ao 11.385 e do 17 ao 23. Todos eles discorren polo municipio de Cervantes.
– A LU-P-2101 de Friol a Parga. O Goberno da Deputación achega 200.000 euros para a mellora de 2,5 quilómetros: dende o 9,300 ao 11,780. Con estas actuacións, o Executivo Provincial rematará o arranxo integral desta vía, na que leva investido máis de 1 millón de euros. Trátase da vía que une Friol e Guitiriz, un dos principais accesos da zona á A-6, así como a principal vía de comunicación a 10 parroquias.
– A LU-P-0508, da LU-170 por Castrolanzán. O Executivo Provincial achega máis de 205.000 euros a mellora de 2,5 quilómetros desta vía no Concello de Baralla, principalmente, e dun treito máis curto en Becerreá. As actuacións levaranse a cabo dende o quilómetro 4,5 ao 7.
– A LU-P-1611, de Castro de Rei a Pol. O Goberno da Deputación inviste 360.000 euros no arranxo de 4,5 quilómetros, que discorren polos Concellos de Castro de Rei e Pol. Concretamente, dende o punto quilométrico 99,5 ao 104.
Outros 200.000 euros na roza de vías de 16 Concellos
A Xunta de Goberno aprobou con máis de 200.000 euros a contratación de 7 autónomos e pequenas empresas da provincia para a realización dos traballos de roza en estradas provinciais de 16 Concellos.
O presuposto e os municipios distribúense do seguinte xeito: son 36.400 euros para a rozas de estradas provinciais na Pontenova, Riotorto e A Pastoriza; 27.300 euros para as de Castro de Rei, Pol e Meira; 29.000 euros para as de Ribeira de Piquín e A Fonsagrada; 26.000 para as de Negueira de Muñiz e Navia de Suarna; 23.700 euros para as de Becerreá e As Nogais; 30.700 para as de Cervantes e Pedrafita do Cebreiro; e 29.100 para as de Chantada e Carballedo.
Santos Ramos explicou que “en total, coas contratacións que aprobamos hoxe e coas da semana pasada, levamos investido preto de 360.000 euros na roza de vías provinciais de 31 municipios da provincia. O conxunto destes traballos foron adxudicados a 12 autónomos e pequenas empresas. Nas vindeiras semanas, adxudicaremos os traballos de roza nas estradas provincias dos restantes 36 Concellos da provincia con outros 440.000 euros, pois en total achegamos 800.000 euros a esta programación nas vías dos 67 municipios”.
13 novos empregos en 8 Concellos
O Goberno da Deputación tamén aprobou a resolución de 13 desempregados lucenses que comezarán a traballar a vindeira semana en empresas e colectivos sen ánimo de lucro da provincia, a través do Ben Empregado3, máis social. Trátanse de 1 oficial de perruquería para traballar en Lugo; 1 albanel en Becerreá; 1 camareiro en Paradela, 2 na Fonsagrada e 1 no Corgo; 1 axudante de cociña na Fonsagrada; 1 oficial de primeira en Pol; 1 enxeñeiro para oficinas técnicas en Lugo; 1 recepcionista en Becerreá; 1 community manager en Vilalba; 1 auxiliar de produción de viveiros en Abadín e 1 técnico superior en marketing e publicidade en Lugo.
O acto é aberto a quen queira participar neste recoñecemento. O grupo, con 80 anos de historia e formado por persoas de Figueras, Castropol, Vegadeo e Ribadeo, escolle este ano a Ribadeo para distinguir unha figura local, retomando a liña iniciada hai tres décadas con Luz Pozo Garza. As inscricións están abertas ata o luns 17 de agosto no número 680 13 24 24. Agárdase unha ampla participación.
Ocorreu escasos minutos despois das 15 horas deste domingo, e foron recollidos pola embarcación Salvamar Shaula, de Salvamento Marítimo. Atopábanse subidos a unha balsa inchable na praia de Basteira, na Pedra (Cariño), foron arrastrados pola corrente e eran incapaces de retornar á beira. Dúas persoas metéronse na auga tratando de rescatalos, sen éxito. Ao final, a embarcación de rescate de Salvamento Marítimo recolleu aos menores e levounos ilesos ata o porto de Cariño. Ademais de a Salvamento Marítimo, desde o 112 Galicia informouse ao Servizo de Gardacostas de Galicia e aos axentes da Garda Civil.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
