Lugo, 7 de xullo de 2017. O Presidente, Darío Campos Conde, informou que o Executivo Provincial aprobou este venres en Xunta de Goberno o Lugo Termal 2017, a programación coa que o Goberno da Deputación potencia o benestar social e permite o acceso dos maiores lucenses ao turismo termal na provincial. Logo desta aprobación, ábrese o prazo para que os balnearios lucenses (Hotel Balneario Augas Santas, en Pantón; Hotel Balneario Río Pambre, en Palas de Rei; Hotel Balneario Guitiriz e Hotel Balneario de Lugo Termas Romanas) se adhiran a esta programación, dotada de 36.300 euros.
Campos Conde explicou que “decidimos ofrecer esta programación, por 7º ano consecutivo, debido ao grande interese que esperta entre os maiores da nosa provincia. De feito, foron máis de 5.600 as persoas que puideron acceder a estes tratamentos grazas aos descontos que ofrecemos dende o Goberno da Deputación. Co Lugo Termal 2017 ofrecemos un total de 600 prazas dirixidas a lucenses maiores de 55 anos, con descontos de máis de 60 euros para recibir terapias mineromedicinais nos establecementos da provincia entre os meses de setembro e decembro”.
“Logo de que os establecementos se sumen a esta iniciativa, abriremos o prazo de inscrición para que 600 lucenses maiores de 55 anos, poidan beneficiarse dos descontos e desfrutar destes tratamento. Contamos coa previsión de facelo partires do mes de setembro”, subliñou.
Paquetes subvencionados e prezos
Os paquetes nos que se ofrecerán descontos son os seguintes: 6 días con 5 noites de estancia, no que o día de entrada é o domingo e o de saída o venres. Inclúese a comida; 5 pensións completas; 8 técnicas de balneario. Os establecementos deberán ofrecer 1 recoñecemento médico á chegada. Tamén un programa de animación sociocultural de luns a xoves. En anteriores convocatorias, tamén con descontos da Deputación de máis de 60 euros, conseguíronse prezos de 70 euros sen estancia e de 170 con ela. Os prezos para esta nova edición dependerán das ofertas presentadas polos propios establecementos.
Atención especial e acompañantes
Lugo Termal ofrece, ademais, atención especial ás persoas con problemas de mobilidade, para garantirlles o acceso e goce dos tratamentos termais; así como programas específicos a persoas con discapacidade física, psíquica ou sensorial. Os beneficiarios das prazas poderán acudir cun acompañante, que tamén terán a posibilidade de desfrutar destes descontos aínda non ter máis de 55 anos, pero sempre que sexan de Lugo. Deberán xustificar o seu empadroamento na provincia.
Hortos Urbanos participativos
Campos Conde informou tamén que o Goberno da Deputación aprobou na Xunta de Goberno a adxudicación do servizo de posta en valor, xestión e mantemento dos hortos urbanos da Deputación. O Presidente subliñou que se adxudicaron definitivamente con 118.000 euros, correspondentes ás anualidades 2017, 2018 e parte do 2019; acadando un aforro de 31.000 euros.
O titular provincial explicou que “a entidade adxudicataria comezará dende xa a aplicar o proxecto de remodelación integral dos hortos, que leva o nome de Os agros do Rato e Paradai, co que dende o Goberno da Deputación damos un paso máis para mellora o servizo e facelo máis eficiente. Son un total de 10.000 m2 de finca os que poñemos á disposición dos veciños, con 3 fincas no Rato, de 9.500m2, e unha en Paradai, de 500 m2”.
Cómpre subliñar que aínda que empresa será a encargada de manter os hortos e atender aos beneficiarios, o Goberno da Deputación de Lugo, concretamente a área de Medio Ambiente, velará polo correcto funcionamento deste servizo, podendo incluso rescindir o contrato se fose necesario.
Dentro do prego, contémplase que a empresa deberá pór a disposición un xardineiro e un técnico agrícola para dar servizo aos usuarios de xeito permanente, tanto en asesoramento e mantemento. Serán tamén os encargados de ofrecer accións formativas concretas que estableceremos nunha xuntanza cos beneficiarios dos hortos.
Dende este mesmo mes, a entidade adxudicataria deberá comezar coa aplicación das melloras incluídas no contrato. Estas son:
1.- Realización de obras de mellora nos hortos “que non poderemos iniciar ata que a Confederación Hidrográfica Miño-Sil o autorice. Como sabedes, teñen un prazo de resposta máxima 6 meses polo que esta parte do proxecto se poderá iniciar, previsiblemente, a finais de ano”.
2.- A creación dun regulamento de boas prácticas participativo para os usuarios dos hortos, “no que estamos a traballar e no que introduciremos tamén as peticións dos usuarios, das que vos darei conta máis adiante”.
3.- Establecer un “Consello dos Hortos” participativo “no que se incluirá a empresa adxudicataria, Deputación e, como non podía ser doutro xeito, aos beneficiarios dos hortos, co fin de atender as súas necesidades e facelos participes. Pódovos avanzar que, por exemplo, reorganizaremos as divisións das 3 parcelas do Río Rato para conseguir un total de 110 hortos; así como as de Paradai, para obter 40”.
Máis emprego
A Xunta de Goberno resolveu a contratación de 4 desempregados lucenses que comezarán a traballar, nos vindeiros días, de camareiro en Navia de Suarna, oficial de 2ª de construción na Pontenova, 1 axudante de cociña en Folgoso do Courel e 1 técnico en actividades físico-deportivas en Burela, a través do Ben Empregado 3! Máis social!
A edición deste ano incorpora un novo formato organizativo: as sesións vermú ampliaranse a tres horas na Praza da Constitución e todas as verbenas trasladaranse ao Campo da Feira para mellorar a loxística e facilitar a montaxe dos espectáculos, especialmente nun ano con formacións de gran formato. O programa musical combina orquestras, grupos e DJs para públicos de todas as idades, con citas destacadas como Panorama City, Paris de Noia, Los Satélites, Costa Dorada ou a xira campestre con diferentes propostas ao longo de varios días. Desde o Concello subliñan que as festas son un espazo de encontro para a veciñanza e para quen regresa a Vilalba nestas datas, e que o obxectivo é ofrecer unha programación equilibrada e pensada para que cada persoa atope o seu lugar nunhas patronais que forman parte esencial da identidade da vila.
A artista manchega, coñecida pola súa mestura de raíz tradicional e sonoridades actuais, ofrecerá un directo íntimo e cheo de forza o sábado 20 de xuño ás 22:30 horas. Será unha noite para gozar da música con calma, entre amigos, nun ambiente próximo e acolledor, onde as cancións se comparten case como se fose unha conversa arredor dunha mesa. As entradas xa están dispoñibles en woutick!, polo que se recoméndase adquirilas con antelación para non quedar sen sitio nesta cita única.
José Luis Teso Celis é o vendedor da ONCE que repartiu estes cartos na localidade mariñá, desde o seu punto de venda situado na Avenida da Mariña, número 46.
Durante a xornada, entre 12 e 19 horas, realizarase un mural inspirado na obra Diálogo (1946) de Luís Seoane, que Maruja Seoane levou a tapiz ese mesmo ano. A organización convida a toda a veciñanza a participar con lecturas, conversas, cantos, bailes e un xantar compartido.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
