Burela, 12 de setembro de 2017. A Concellería de Deportes presentou hoxe as escolas deportivas municipais de inverno que darán comezo o 2 de outubro. Haberá tenis, tenis de mesa, bádminton, patinaxe lúdico, patinaxe artístico e como novidade zumba kids. O prezo de cada actividade é de 6 euros ao mes. As fichas de inscrición deberán entregarse entre os días 25 e 28 deste de setembro.
O concelleiro Ramiro Fernández Rey anunciou que “procedemos á presentación das escolas deportivas municipais de Burela para este inverno 2017-2018. Dentro das actividades que propoñemos temos tenis, tenis de mesa, bádminton, patinaxe lúdico, patinaxe artístico e zumba kids”.
O edil de Deportes explicou que “algunha destas actividades vai dalas o noso propio técnico municipal, Iván Cao, e van ser as de tenis, tenis de mesa, bádminton e patinaxe lúdico. Despois vai haber unha empresa encargada de dar a patinaxe artística e zumba kids”.
Fernández Rey subliñou que “o máis salientable de todo este ano é a incorporación de zumba kids, que vai substituír á actividade de ballet debido a que ultimamente estaba tendo menos afluencia de nenos, decidimos darlle un xiro e esperemos que esta actividade nova sexa atractiva e os nenos queiran participar nela”.
O concelleiro burelés manifestou que “as escolas deportivas municipais de inverno este ano no Concello de Burela empezan o 2 de outubro e rematan o 25 de maio. Todos os interesados poden achegarse á Casa da Xuventude e falar co técnico municipal, con Iván Cao. Tamén imos facer un reparto de fichas de inscrición polos colexios para que todos os nenos poidan ter a posibilidade de participar nestas Escolas”.
O edil socialista engadiu que “o prezo da actividade vai ser de 6 euros mensuais, que serán un total de 48 euros anuais por todos estes meses de actividade deportiva”.
Ramiro Fernández quixo “desde o Concello animar a todos aqueles que queiran practicar deporte a que aproveiten estas actividades para facelo e ter unha vida máis saudable”.
As escolas deportivas municipais de inverno de Burela, que foron presentadas hoxe, comezarán o 2 de outubro. Este ano como novidade haberá zumba kids
Relacionado
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
