NOTA DE PRENSA
REGO ACUSA Á CONSELLERIA DE SANIDADE DE XERAR COS SEUS ANUNCIOS DE DESMENTIDOS UN GRAVÍSIMO DETERIORO DO HOSPITAL DA COSTA
-O deputado socialista acusou a Consellería de terlle “birlado” mais de 1.200.000 euros dos orzamentos do ano 2009 ao centro Hospitalario.
– Denuncia que a estratexia da Consellería de Sanidade sobre a desmotivacion do persoal destes centros, co único fin de promover o seu abandono e centralizar así a asistencia especializada en hospitais centrais de referencia e na propia sanidade privada”
– Advertiu que son os propios profesionais os que denuncian un disparo sen precedentes das listas de espera, ata o punto de establecerse esperas temerarias, que nalgúns casos poderían afectar a patoloxías cancerosas
Santiago , 22 de decembro de 2009. O deputado do Grupo Parlamentario do PSdeG-PSOE Ismael Rego interpelou, hoxe no Pleno da Cámara Autonómica, á conselleira de Sanidade sobre as previsións de Sanidade respecto da supresión dos servizos de urxencias dos hospitais de Burela e Monforte.
Na súa intervención o deputado socialista acusou a Consellería de xerar cos seus anuncios de desmentidos un gravísimo deterioro do Hospital da Costa.
Ismael Rego acusou a Consellería de terlle “birlado” mais de 1.200.000 euros dos orzamentos do ano 2009 ao centro Hospitalario. Sinalou que mais de 600.000 euros estaban destinados ao pago a provedores, medicamentos e outros materiais. E outros 600.000 euros para reformas dos servizos de xinecoloxía e rampa de acceso e cuberta entre outros, obras que non se ten iniciado ningunha delas ao remate do ano. Denunciou tamén que en Monforte as únicas obras que se executaron foron realizadas polo anterior Goberno Autonómico “despois de 8 meses do Goberno do PP en Galicia aínda non fixeron nada”.
O deputado socialista dixo que a consellería mentiu, en sede parlamentaria, con descaro sobre a situación do centro hospitalario. Advertiu que son os propios profesionais os que denuncian un disparo sen precedentes das listas de espera, ata o punto de establecerse esperas temerarias, que nalgúns casos poderían afectar a patoloxías cancerosas.
A Conselleira de Sanidade non respondeu
Rego subliñou que a Consellería non respondeu a pregunta realizada sobre a enquisa feita pola xerencia da atención primaria, ao persoal facultativo dos PAC de Burela e Monforte sobre o establecemento dun servizo único de urxencias dos PAC e dos Hospitais de Burela e Monforte.
Afirma que “o único que fixo foi botar balóns fora sobre esta cuestión”. Segundo Rego esta actitude “contribúe a engrosar a nube de incertidume que se cerne sobre a atención especializada nas comarcas de Lugo e Monforte, como consecuencia da estratexia da Consellería que non ten outro obxectivo, que non sexa a desmotivacion do persoal destes centros, co único fin de promover o seu abandono e centralizar así a asistencia especializada en hospitais centrais de referencia e na propia sanidade privada”.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
