Lugo, 19 de setembro de 2017. O representante do BNG no Consorcio de Bombeiros da provincia de Lugo vai esixir na reunión do pleno deste organismo que se celebrará o vindeiro luns 25 de setembro que se leve a cabo unha exhaustiva investigación sobre os incumprimentos das cláusulas de concesións por parte das empresas concesionarias dos parques comarcais de bombeiros da provincia de Lugo. As empresas adxudicatarias son Veicar e Natutecnia e xestionan os parques de Chantada Viveiro, Barreiros, Chantada, Sarria, Monforte e Vilalba.
Estes incumprimento por parte das empresa foron denunciados días atrás polo comités de empresa da provincia e fixéronse chegar a todos os grupos políticos da Deputación, así como á dirección do consorcio. “Resulta totalmente inaceptábel que persoas comodamente sentadas no seu despacho especulen cos cartos dos traballadores que se xogan a vida apagando os lumes”manifestou o voceiro do BNG Xosé Ferreiro.
“Esta investigación tan só será efectiva se se leva a cabo por persoas independente, totalmente alleas ás empresas e ao propio consorcio, dado que son cantidades elevadas as que se están a defraudar segundo este informe dos representantes do persoal e para que isto ocorrese, tiveron que contar co consentimento de algún estamento do propio consorcio” sinalou Ferreiro.
O BNG tamén porá enriba da mesa a necesidade de que os cartos que se puideran ter defraudados sexan devoltos ás arcas do Consorcio, así como que se tomen medidas contra as empresas, chegando incluso á rescisión do contrato se fose necesario. Outro aspecto tamén fundamentas sería coñecer as persoas responsábeis de que esta situación se producira, tomando tamén as medidas oportunas.
“Dende o BNG non descartamos levar estes informes á Fiscalía para que esta investigue, no caso en que a dirección do consorcio non a faga co rigor necesario ou se o resultado desta non sexa o claro, transparente e contundente que debera”, afirmou o deputado Xosé Ferreiro
Hai que lembrar que aos bombeiros de Lugo estáselles a “regatear” os fondos necesarios para igualarlles o salario cos outros traballadores de Galiza e mentres tanto parece que se lles permite que as empresas concesionarias levan a cabo este tipo de prácticas.
Os incumprimentos denunciados polos traballadores, de xeito resumido, son:
– Ausencia da formación aos traballadores comprometida nos contratos
– Ter nalgúns momentos menos traballadores contratados dos que se especifica no contrato.
– Non ter operativa a bolsa de traballo para contratacións temporais.
– Non se substitúe ao persoal cando hai baixas ou ausencias imprevistas.
– Non se substitúen os vehículos avariados.
– Non se subministran os uniformes contemplados nas melloras ofertadas pola empresa.
– Exceso de horas traballadas e ausencia das melloras sociais para os traballadores.
O BNG esixe unha investigación sobre un posible fraude nos parques de bombeiros e non descarta trasladalo á fiscalia
Relacionado
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
