A Mariña, 22 de setembro 2017. Representantes da Plataforma na Defensa da Sanidade Pública da Mariña asistiron onte ao pleno celebrado no Concello de Ribadeo, no que o alcalde Fernando Suárez Barcia defendeu a proposta trasladada pola plataforma a todos os concellos na que se pedía a retirada do Anteproxecto de Lei que modifica a Lei 8/2008 e elimina a Área Sanitaria da Mariña.
Agradecemento ao Concello de Ribadeo e petición ás restantes corporacións municipais para que se opoñan tamén á supresión da Área Sanitaria
Desde a Plataforma queren facer público o recoñecemento e agradecemeto á corporación municipal de Ribadeo polo seu posicionamento a favor do mantemento da Área Sanitaria desta comarca. “Ribadeo é o primeiro concello que leva a nosa moción a pleno, e o primeiro en aprobala. Agardamos que o resto dos concellos, nos plenos a celebrar os vindeiros días sigan a liña de Ribadeo, un concello que atende as xustas demandas da súa veciñanza e, coma neste caso, tamén das mariñás e mariñaos”, manifestaron representantes da Plataforma, que destacaron tamén o feito de que este concello fora tamén o primeiro en pendurar do balcón a faixa na que se reclama o mantemento da Área Sanitaria, acto que realizaron conxuntamente todos os membros da corporación presentes co alcalde ao frente, quen anunciou que ademais desta faixa o goberno municipal ribadense vai colocar outra na entrada da vila.
A Plataforma insta tamén a toda a poboación mariñá a asistir aos plenos dos seus respectivos concellos cando se debata esta moción e poder comprobar os posicionamentos de cada quen.
O Partido Popular cando non tén argumentos, fuxe
Tenen medo a debater porque tenen moito que agochar
A parte negativa deste pleno púxoa o Partido Popular, que no momento en que o alcalde Fernando Suárez rematou de expoñer a moción da Plataforma, levantáronse e fuxiron negándose unha vez mais a debater públicamente un tema tan importante como é o da situación da asistencia sanitaria na comarca. “Se tenen medo a debater é porque algo, ou moito, tenen que agochar. Non tenen a valentía nin a dignidade suficientes para reunirse e dialogar con ninguén, solo se reunen con eles mesmos para autoconvencerse das súas propias mentiras”. “Con actitudes coma esta queda claro que non son dignos representantes do pobo, porque a democracia prodúcelles alerxia”, afirmaron desde a Plataforma.
O Partido Popular dálle as costas ás xustas reivindicacións da Mariña
Representantes de colectivos integrados na Plataforma acudiron hoxe a recibir a Feijóo e ao conselleiro Rey Varela na visita que ambos realizaron á Galiña Azul de Burela, para mostrarlles o descontento da comarca pola modificación lexislativa que pretende impoñer suprimindo a Área Sanitaria da Mariña e deixando esta comarca nunha situación ainda mais precaria, sobre todo no referente á asistencia sanitaria. Nin Feijóo nin o seu séquito de rostros compracentes tiveron a ben dirixirse aos membros da Plataforma alí presentes.
Réplica as declaracións de Feijóo realizadas hoxe en Burela
Na asemblea informativa celebrada hoxe en Burela a Plataforma saíu ao paso das declaracións realizadas no día de hoxe por Feijoo na mesma vila, nas que volveu a insitir nas mesmas falsedades que o PP sigue divulgando pola Mariña. “Hai que ter moita caradura para afirmar que coa supresión da área sanitaria non van ter que desprazarse a Lugo os doentes xa que serán os facultativos os que se desprazaran de Lugo a Burela “voluntariamente”. Eso non é aumentar a carta de servizos do Hospital de Burela, dado que tamén poden ter que desprazarse “voluntariamente” facultativos de Burela a outros hospitais, afirmaron. Esas declaracións non son propias dun presidente da Xunta serio, que con estas aseveracións mais ben parece un concelleiro do PP na comarca ca un verdadeiro presidente. O que tén que facer o presidente da xunta é dotar dos suficientes recursos á sanidade pública na comarca, concluiron.
A Plataforma continúa coa labor informativa por toda a comarca, pois son moitos @s veciñ@s que mostran a súa preocupación por este novo ataque do PP á sanidade pública e á comarca da Mariña. En vindeiros días desenvolveranse asembleas en Mondoñedo, O Valadouro, San Cibrao e Foz, entre outros sitios, que se anunciarán debidamente.
Instan tamén aos concellos gobernados polo PP na comarca e a todos os seus edís, a reconsiderar a súa errada postura, solicitándolles que antepoñan os intereses da sanidade pública na Mariña aos intereses dos seus dirixentes en Lugo e en Santiago.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
