Lugo, 3 de outubro de 2017.- Preto de 400 persoas desempregadas incorporáronse nos últimos días aos obradoiros de emprego que financia a Consellería de Economía, Emprego e Industria na provincia de Lugo.
O delegado territorial, José Manuel Balseiro, visitou hoxe aos participantes do obradoiro que promove o concello de Castroverde en colaboración cos de Pol, Riotorto, A Pastoriza e Ribeira de Piquín, que comezaron a traballar o pasado venres. Balseiro indicou que nestes días deron comezo 16 dos 17 obradoiros de emprego aprobados pola Xunta, quedando pendente de inicio só o de Sarria.
Estas iniciativas, subliñou, “supoñen unha oportunidade de recualificación profesional para os máis de 300 alumnos traballadores que son contratados”, aos que hai que sumar preto dun cento de contratos entre directores, persoal de administración e monitores.
Os alumnos reciben formación teórica e práctica, ao tempo que desempeñan un traballo remunerado realizando obras ou servizos de interese social en beneficio dos municipios implicados. Ao rematar, obteñen un certificado de profesionalidade con validez en todo o territorio español.
Balseiro lembrou que a Consellería destina algo máis de 4 millóns de euros a financiar os obradoiros, que involucran a 39 concellos da provincia. Os trece obradoiros xerais incrementaron a duración de 6 a 9 meses. Hai ademais catro obradoiros Yei especificamente dirixidos a menores de 30 anos.
O Castro III
O delegado territorial mantivo un encontro en Castroverde cos participantes do obradoiro O Castro III, que conta con 20 alumnos e alumnas dos cinco concellos promotores e desenvolverá traballos en toda a área ata finais do mes de xuño de 2018.
O obradoiro recibe un investimento de 279.959 euros da Xunta de Galicia e imparte formación de actividades auxiliares en conservación e mellora de montes. Os participantes realizarán nos vindeiros meses tratamentos silvícolas e de repoboación da parcela As Arroxas e da área recreativa Veiga do Olmo, en Castroverde.
Igualmente, realizarán tratamentos silvícolas, plantacións e mantemento de mobiliario urbano nas parroquias do concello de A Pastoriza; tratamentos silvícolas na ruta de Romeor e nas carballeiras de Mosteiro e Rioxoán, en Pol; en varias parcelas de Riotorto, onde tamén se podará o arborado da ruta de sendeirismo dende A Veiga a Ferreiravella; e nas rutas de sendeirismo e camiños forestais da Ribeira de Piquín.
Durante a visita, o delegado estivo acompañado polos alcaldes de Castroverde, José María Arias; A Pastoriza, Primitivo Iglesias; Riotorto, Clemente Iglesias, e Ribeira de Piquín, Roberto Fernández. Tamén asistiu a xefa territorial da Consellería de Economía, Emprego e Industria, Pilar Fernández, entre outros.
Outros proxectos
Os outros proxectos que deron comezo nos últimos días son o impulsado polo concello de Outeiro de Rei compartido con Castro de Rei e Cospeito; o promovido polo concello de Ourol e compartido con Muras e O Vicedo; tamén o de Xove compartido con Burela e Cervo; o de Vilalba compartido con Abadín; o do Corgo compartido con Guntín e O Páramo; o de Rábade compartido con Begonte e Friol; o de Carballedo compartido con Chantada; o de Barreiros compartido con Lourenzá e Trabada; o de Quiroga compartido con Folgoso do Courel e Ribas do Sil: e os promovidos polo Concello de Lugo e a Deputación provincial.
Igualmente, deron comezo os obradoiros Yei que impulsan os concellos de Lugo, Ribadeo e Monforte, e o de Pantón xunto con Sober e O Saviñao.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
