BURELA, 4 de outubro de 2017.- A vogal da Mancomunidade da Mariña, Diana Durán, censura “o atrevemento sen límites” demostrado polo presidente da Mancomunidade da Mariña, sobre a información dada respecto do Pleno que o ente celebrou no día de onte. E é que en dita sesión, que a vogal califica de “chapuceira e trapalleira”, non se realizou ningunha votación relativa á reforma sanitaria, “como sae dicindo hoxe o presidente”.
Tal é así que, que non había mocións, nin propostas que votar; o que pon e relevo que todo o que afirma hoxe o responsable da Mancomunidade carece de validez e, o que é máis grave, “é unha auténtica mentira”.
Por este motivo, Diana Durán crítica con dureza o proceder o presidente, xa que, no asunto da reforma sanitaria, este dixo que sometía á votación un informe da presidencia, que en ningún momento fora posto a disposición dos integrantes da Mancomunidade. Ante tal “despropósito, que, por suposto, non podiamos permitir”, os representantes do Partido Popular solicitáronlle “de viva voz” que se lles facilitase dito documento, co fin de coñecer o contido da iniciativa que se ía votar. A dita petición, e para sorpresa dos populares, Llano resposta que non dispón de dito documento.
Diante este feito, que demostra claramente “o nulo rigor co que traballa o Sr. Llano alá onde ten responsabilides orgánicas”, os populares negáronse a votar este asunto. E é que, aclaran, cando se celebra unha sesión deste tipo, ao igual que acontece nos Concellos, calquera tema que é sometido a debate e posterior votación debe expresarse formalmente e non a través dunha pregunta que formula en alto o presidente, como aconteceu neste caso, “e que xorde froito da súa intención e vontade persoal e política de seguir confundindo aos mariñanos sobre a reforma da Lei de Saúde Pública”.
Ante “a gravidade” dos feitos, a vogal popular apunta que, “neste xogo sucio, o Sr. Llano non nos vai atopar. É máis, pasará á historia por ser un presidente que, en vez de buscar o interese común, que é a esencia da Mancomunidade, por ser o presidente menos útil, menos eficaz e máis mentiroso que tivo este ente”; sobre todo, destaca, porque “el mesmo sabe que, a intención da reforma sanitaria, é que os mariñanos reciban unha atención máis próxima ao seu domicilio, e que a futura normativa busca consolidar o modelo de xestión integrada xa existente e que precisamente permitiu acercar os profesionais aos doentes evitando viaxes desde A Mariña ata Lugo capital.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
