Burela, 25 de outubro de 2017. Este venres, 27 de outubro, haberá pleno extraordinario a partires das 10:30 horas no Concello burelés. Tres puntos compoñen a orde do día: a comunicación oficial do falecemento do edil Ramón Vázquez Andrade, unha modificación de crédito por importe de 50.000 euros e tamén o cambio da figura pola que se rexerá o abastecemento de auga de Cervo e Burela, que será unha Mancomunidade en lugar dun Consorcio, tal e como viña sucedendo ata o de agora.
O alcalde, Alfredo Llano, contou que “imos dar conta do falemento do compañeiro Ramón Vázquez Andrade, ocorrido hai unhas semanas. Oficialmente hai que cubrir a súa praza, é un requisito que hai que cumprir agora mesmo para seguir co procedemento para nomear ao seu substituto, que vai ser Carmen Chumacero. O primeiro paso é este, calculamos que o seguinte paso vai ser no pleno ordinario que se vai facer no mes de novembro e xa aí tollería posesión a nova concelleira”.
O rexedor burelés relatou que “aproveitando que xa hai un pleno extraordinario tamén metemos outro punto que é a modificación de crédito do orzamento porque agora que asinamos un convenio co Consorcio de Igualdade e Benestar para as escolas infantís, temos que cubrir economicamente os prazos do 2016-2017 correspondente á nosa escola infantil antiga. Ao Concello correspóndelle abonar 50.850 euros do primeiro pago, este ano hai que facer dous pagos con respecto ao curso 2016-2017 da escola infantil que xa tíñamos en marcha. Polo tanto temos que facer unha modificación de crédito para asumir este gasto”.
Alfredo Llano engadiu que “tamén aproveitamos para a incoación do expediente de constitución dunha Mancomunidade de Municipios entre Cervo e Burela para acometer temas do abastecemento de auga que estamos compartindo. Ata o de agora había unha modalidade administrativa para levar adiante entre os dous concellos a xestión da auga de Cervo e Burela, e esta fórmula xa non se contempla agora, entón hai que acometer novos modelos e o que mellor nos pareceu foi o da Mancomunidade. Imos establecer a Mancomunidade entre os dous Concellos para formalizar os estatutos e poñer a funcionar esta nova modalidade administrativa e xurídica para xestionar o tema do abastecemento da auga de Cervo e Burela. É algo que tamén ten que facer o Concello de Cervo, no que xa loxicamente estamos de acordo en facelo os dous, e imos ir dando os pasos para ver se é posible que xa este ano 2017 poidamos empezar a xestionar a auga a través da Mancomunidade dos dous Concellos”.
O 27 de outubro haberá pleno extraordinario no concello burelés. Na sesión someterase a aprobación unha modificación de crédito por importe de 50.000 euros e a creación da figura da Mancomunidade para o abastecemento de auga de Cervo e de Burela, en substitución do consorcio que viña funcionando ata o de agora
Relacionado
O lume iniciouse ás 14.51 horas e para a súa extinción mobilizáronse, polo de agora, 2 técnicos, 7 axentes, 11 brigadas, 12 motobombas, 1 pa, 5 helicópteros e 7 avións.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
