LUGO, 31 de outubro de 2017.- A voceira do Grupo Provincial do Partido Popular, Elena Candia, censura que o PSOE e o BNG na Deputación de Lugo se negasen, na sesión celebrada esta mañá, “a sumar esforzos, xa que a política de prevención e de incendios é responsabilidade de todos. Era necesario lanzar, por un lado, unha mensaxe de implicación conxunta á cidadanía, na que cada administración asumise a súa responsabilidade e, por outro lado, de unidade contra os incendiarios”. Así, a popular solicitou a implicación conxunta na loita contra incendios e deu cifras como que os concellos ao abeiro do convenio de colaboración coa Xunta poderán desbrozar nos tres últimos anos (2016, 2017 e 2018) un total de 38.995 hectáreas na provincia.
Para a presidenta provincial a altura de miras dunha institución pública está en chegar a acordos, polo que dende o PP lamentan que o Goberno da Deputación non tivera receptividade para sentarse e para anunciar o seu compromiso e implicación para que esta situación non volva a repetirse. Esta situación, segundo Candia, deixa entrever que socialistas e nacionalistas móvense só por unha “vontade de crítica política e non por unha vontade real para que esta situación non volva ocorrer”.
Neste senso, precisou que se debera fuxir do “populismo, da mediocridade e de obter réditos políticos e deberamos acadar a unión, xa que a política de loita contra os incendios ten que ser tarefa de todos”. “O PP estará do lado da implicación responsable. Se o Goberno manifestase a súa intención de traballar conxuntamente nesta loita, de implicarse e mesmo de trasladar á Xunta de Galicia as necesidades sobre o que consideran que se debe mellorar, atoparían ao PP, pero lamentablemente só buscan sacar uns votos”, afirmou.
Agradecemento aos profesionais e aos veciños e mensaxe de condena aos incendiarios
Para a popular, “a prudencia debe ser o que nos guíe”. Así, considera que, en primeiro lugar, “temos a obriga de recoñecer e agradecer o traballo dos bombeiros forestais, voluntarios, Policía Nacional, Garda Civil, Política Autonómica, Policías Locais, concellos, deputacións, -as que se impliquen-, tripulacións de hidroavións e helicópteros, bombeiros urbanos e comarcais, veciños, persoal sanitario, axentes e técnicos da Xunta de Galicia”.
A voceira do Grupo Popular tamén lembrou que o dispositivo despregado suma 350 brigadas, 5.600 efectivos, dos que 600 son da UME, 220 motobombas, 40 pas e 20 medios aéreos, ao que se lle suman os medios dos veciños e das veciñas que “con tractores, mangueiras e outros dispositivos intentaron frear este atentado aos galegos”.
Ademais, en segundo lugar, “debemos analizar a xestión forestal, a política e facer autocrítica todos”. Así, a popular, por exemplo, lembrou que hai rexedores que non se acolleron ao plan de desbroces ao abeiro dun convenio coa Xunta de Galicia, que durante os anos 2016, 2017 e 2018 permitirá a limpeza de máis de 38.900 hectáreas; 4.500 hectáreas no distrito forestal da Mariña; 22.065 hectáreas no da Fonsagrada-Os Ancares; 2.430 en Terra de Lemos e 5.835 na Terra Chá. Así, explicou que os datos no 2017, son os seguintes: 1.500 hectáreas na Mariña; 7.355 na Fonsagrada-Os Ancares; 810 hectáreas en Terra de Lemos, 1.388 en Lugo-Sarria e 1.945 na Terra Chá.
En terceiro lugar, para Candia era necesario lanzar unha mensaxe de condena aos incendiarios, ao que se referiu como “actos que debemos condenar con total rotundidade e absoluta impunidade. Era necesaria a imaxe de unidade de todas as forzas políticas”. “ Eu mesma visitei as zonas afectadas e falei con brigadistas de dilatada experiencia, que aseguraron que nunca viviran esta situación, con lumes que aparecían de noite, a distancias temporais dunha hora, buscando o caos e unha situación inabordable de control”. Neste eido, a popular deu cifras do bo funcionamento do servizo xa que ata o 30 de setembro, previo a vaga de incendios, reducírase respecto ao pasado ano ata nun 43,75% o número de hectáreas queimadas pese a terse acumulado un número maior de lumes (un 24,95% máis).
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
